Lab e Quraan pe hai tera Qaseeda Haider.
1. Syed Gulzar Hasnain Faizabadi
Kufr pe tanha hi bhaari hai hamara Haider,
Deen e Rab ko hai bada tera Sahara Haider.
Jab bhi islaam pa mushkil ki ghadi aayi hai,
Tune har mod pe hai usko bachaya Haider.
Koi saani hi nahi tera jahaa'n mei maula,
Khana e Rab ne tujhe apna Banaya Haider.
Koi kar sakta nahi tujh se taqabul Apna,
Lab e Quraan pe hai tera Qaseeda Haider.
Jang e islaam mei milta hi nahi tere siwa,
Jo Mohammed ka raha ho sada Saya Haider.
Shaan hai teri Ajab ay Abu Talib ke pisar,
Dukhtar e Mursale Aazam teri Zauja Haider.
Naam leta nahi koi kahi'n Zaalim ka kabhi,
Hota tera hai magar har jagha charcha Haider.
Tune jo Bakshi hai Zeenat ye tera ehsaa'n hai,
Shukriya tera bahut karta hai Kaaba Haider.
Maangte ham hain Dua tere wasile se Ali,
Milta thoda nahi, mil jata hai Zyada Haider.
Poori Gulzar ki ab jaldi tamanna kar de,
Jaa ke ab dekh le ye bhi tera Rauza Haider.
2. Ghalibzama Mirza
Koi samjha na Jahaa.n me tera rutba Haider.
Ghar tujhe de diya Allah me apna Haider.
Khud hai khallake do aalam bhi sanagar tera.
*Lab pe quraan ke hai tera qaseeda Haider.*
3. Bober Nawab, Madrasi
*KAISE HUM PESH KARENGE TERA RUTBA HYDAR*
*GHAR ME ALLAH KE TU HOGAYA PAIDA HYDAR*
*YE TOH EESA KO BHI* *MILPAAYA*
*NA KAABE KA SHARAF*
*MARTABA HAI TERA NABIYON SE BHI OONCHA HYDAR*
*ARSH SE FARSH TALAK HAI YE VILAADAT KI QUSHI*
*DO JAHAA'N ME HAI FAQAT TERA HI CHARCHA HYDAR*
*INSO JIN HI NAHIN KARTE HAIN YE MIDHAT TERI*
*LABE QUR'AAN PE HAI TERA QASEEDA HY
*IQTIYAARAAT TUJHE DEDIYA RAB NE AISE*
*TU JO CHAAHE TOH KAREY MURDE KO ZINDA HYDAR*
*KAAM HOJAYEGA BAQSHISH KA USEY MAHSHAR ME*
*JISKO MILJAYE AGAR TERA WASEELA HYDAR*
*TERI AZMAT KO SAMAJNE ME YAHEE KAAFI HAI*
*EK ISHAARE PE TERE SHAMS HAI PALTA HYDAR*
*HAL ATA TU HI HAI KOUNAIN ME HAR EK KA BOBER*
*SAR JHUKATI HAI TERE DAR PE YE DUNYA HYDAR*
4. Navshad Bijani
Zachcha khaana hai tera khaan e kaaba haidar.
Aysa rutba hai tera dehr me aala haidar.
Khum ke mayda'n me yeh elaan nabi karte hain.
Jiska maula hu mai ab uska hai maula haidar.
Jaan qurbaan kare apni baraaye Ahmad.
Woh hai imraan ya imraan ka beta haidar.
Jange khaybar me ali ne ye kaha marhab se.
Meri maadar ne mera naam hai rakhkha haidar.
Baap hai sher chacha sher hai beta bhi sher.
Shere yazda'n yeh Asad ka hai navaasa haidar.
Tune aaghoshe Mohammad me hai quraan pada.
Labe quraan pe hai tera qaseeda haidar.
Hai tamanna dile Navshad ki yeh dunya me.
Maut ke waqt ho deedaar tumhaara haidar.
5.Sibtain Sayyadi
Hamare Qalb ME istarha Milgaya Hydar
Dhadak the Dil SE Bhi Aathi hai ye Sada Haidar
Munafiko KA Kaleja Jala Hai ye Sunkar
Rajab ke 13 ko Kaaba ME Aagaya Haidar
Nabi KE Seene PE Utra Tho Tha Quraa'n Magar
Lab e QurAan pe hai tera QASEEDA Haidar
Ho ilm ya KE Sakhawat ya fir Shuja'at HO
Na Kar Saka Tera Koyi BHI Saamna Hydar
Musibato ME Bas EK baar Dil se de aawaz
Hai Mera Wada Tere Kaam Aayega Hydar
Bhagode Baazo ki fir Sharm SE Juki Gardan
Faqat do Ungli SE Khaibar Utha Gaya haider
Jari ko dekhke khaibar ke buzrogo ne kaha
Khudaya ham ko bacha pir se Aagaya haider
Nabi ke Jaisa Hai Bilkul Hussain ka Beta
Magar wo Aate hi maida'n me Bangaya
Haidar
Kiya hai ishq Ali SE kuch is tarah "Sibtain"
Sada ye saanso se Aati hai Ab Sada haidar
Sibtain Sayyadi
+919032010018