Tarhi misra
Tadap ke roti hai zehra Hasan shaheed huve
تڑپ کے روتی ہے زہراء حسن شہید ہوے
Misra by
Naushad Bijani
1-Chaman Rahmati Alipuri.
2-Mir Bober Nawab, Madrasi
3-Gaazi Abbas Zainabi
4-Jaafar Ali Dehraduni.
5-Sibtain Sayyadi
6-Rizwan Karbalayi
7-Mohammad Ali. H. Palsaniya
8-Imraan Sandhawali
9-Navshad Bijani
1
Chaman Rahmati Alipuri.
Hova udaas Madina HASSAN shaheed Hove
Tadap ke Rooti hai Zehra HASSAN shaheed Hove
Asar Zaher ka jo hone laga hai Moula per
Toh Surkh hogaya Chehra HASSAN shaheed Hove
Lagan may Tukday Jigar k ugalte the Moula,
Hova jo Chalni Kaleja HASSAN shaheed Hove
Wo chaak kar ke giraibaa'n kaha ye QHASIM ne
Yateem hogaya Beta HASSAN shaheed Hove
Sar'oun pe Khaak udaati hain ZAINAB o KULSOOM
Uthayein kaise yeh Sadma HASSAN shaheed Hove
Baha ke khoon ke Aansoo'n yeh kehte the ABBAS
HUSSAIN dekho ay Aaqha HASSAN shaheed Hove
NABI ke Rooze pe jaa kar yeh FATHEMA ne kaha
Chalo ab ghar ko ay Baba HASSAN shaheed Hove
Yeh shoor kaisa hai Yasrab may koyi gar puche
Toh Roo ke kehti hai FIZZHA HASSAN shaheed Hove
HASSAN ki laash pe barsaaye Teer Zalim ne
Phir aaya ghar ko Janazah HASSAN shaheed Hove
Nahi hai taab CHAMAN ko larazraha hai khalam
Likh'oun mai kaise yeh Nouha HASSAN shaheed Hove
2
Mir Bober Nawab, Madrasi
Hai Ashkbaar Madeena – Hassan Shaheed Huve
Har Eik Karta hai Girya – Hassan Shaheed Huve
Kuch istarha se Diya Zahr Sha’h Ko Joda Ne
Ke Phat Raha hai Kalaija - Hassan Shaheed Huve
Jigar Ke Tukdon ko Jaise hi Bhayi ke Dekha
Hai Ghash me Zainabe Kubra – Hassan Shaheed Huve
Asar Ne Zahr ke Moula ko Maar Daala hai
Tadapke Roti hain Zahra - Hassan Shaheed Huve
Na Royen Kisliye Qasim Lipatke Mayyat Se
Utha hai Baap Ka Saaya – Hassan Shaheed Huve*
Na Dafn Karne Diya Dushmano Ne Pahlu me
Dile Nabi hai Shikasta - Hassan Shaheed Huve
Chalaaya Zalimo Ne Teer Aise Mayyat Par
Shaheed Hoke Dobara – Hassan Shaheed Huve
Na Dekha Hoga Kisi ne Kahin bhi Dunya me
Palat ke Aaya janaza – Hassan Shaheed Huve
Hussain O Zainab O Kulsoom Gham me Rote hain
Hai Dooba Ranj me Kunba – Hassan Shaheed Huve
Bahaate Ashk hain Mayyat Pe Bhayi ke Abbas
Hai Unke Dil ko Ye Sadma – Hassan Shaheed Huve
Bober bhi Majlise Shabbar me Peet kar Seena
Ye Kahke Padta hai Nowha – Hassan Shaheed Huve
3
Gaazi Abbas Zainabi
Hai shaah e dee'n ka ye nauha' Hasan shaheed huwey
Huwa akela my bhayya Hasan shaheed huwey
Galey lagaakey yu qasim ko ropadey sarwar
Yateem hogaya beta Hasan shaheed huwey
Sarr apna peetkey Rotey hai aal e paigambar
Labo'n pey hai yehi naala Hasan shaheed huwey
Abhi to yaad e pidar mey na roye jee bharkey
Aur ab se tumpey hai Rona Hasan shaheed huwey
Bahaakey aankh se Abbas khoon Rotey hai
Ke unkey Aaqa o Maula Hasan shaheed huwey
Layee'n ke zehr ka aisa asar huwa haye haye
Ugalkey Moo se Kaleyja' Hasan shaheed huwey
Jigar ko dekhkey bhai ki gash mey hai zainab
Milaa badaa usey Sadma' Hasan shaheed huwey
Jigar ko takht mey betey ko khoo'n mey tarr dekha
Tadap ke roti hai Zehra Hasan shaheed huwey
Bichaakey farsh e aza apney ghar mey do "Gaazi"
Janaab e Zehra ko Pursa' Hasan shaheed huwey
4
Jaafar Ali Dehraduni.
Hussain karte hain giriya Hasan Shaheed Huwe
Hai sogwaar madina Hasan Shaheed Huwe
Abhi to baba ko jee bhar na roye the sarwar
Mila Ye taza hai sadma Hasan Shaheed Huwe
Tadap ke roti hain Zainab a.s. tadapti hain Kulsoom a.s.
Hai gham me dooba gharana Hasan Shaheed Huwe
Ae Jaada binte Ashas tune Kya ghazab dhaya
Zehar kyo'n tune pilaya Hasan Shaheed Huwe
Sarhane Roti hain Farwa bhi peet kar sar ko
Hai tukde tukde kaleja Hasan Shaheed Huwe
Khade hain sar ko jhukae yu'n ghamzada Abbas
Labo'n pe unke hai naala Hasan Shaheed Huwe
Hasan Musanna bhi rote hain sath Qasim ke
Yateem ho gaye Baba Hasan Shaheed Huwe
Laraz rahi hai baqiya me qabr Maadar ki
Tadap ke roti hai Zehra A.s. Hasan Shaheed Huwe
Likha hai noha Ye Shabbar ka aaj Jafar ne
Hai dena Zehra a.s. ko pursa Hasan Shaheed Huwe
5
Sibtain Sayyadi
Ye Zaqm dil me hai taza Hasan shaheed huve
Tadap ke roti hai zehra Hasan shaheed huve
Pilaya Aab me sam ghoul kar ke jooda ne
Huwa jo tukde kaleja Hasan shaheed huve
Ugalte tasht me dekha jigar ke tukudon ko
Pukari saniye zehra Hasan Shaheed huve
Sar apna peet ke roti he zainabo kulsoom
Hussain hogaye thanha Hasan shaheed huve
Laga ke seene se Qasim ko ro diye Shabbir
Ghareeb hogaya kunba Hasan shaheed huve
Phachade khate hai Qasim ye keheke rothe hai
Pidar ka uth gya saaya Hasan shaheed huve
Cha,le jo teer e sitam tho tadap ke bole hussain
Sitam Kyu dhaya dubara Hasan Shaheed huve
Jikar ko kardiya tukde Zehr ne jab "Sibtain"
Lahu se tar hua Kurta Hasan Shaheed huve
6
Rizwan Karbalayi
FAZA ME GUNJA YE NOUHA HASAN SHAHEED HUWE
HAI AAJ SHEEYO ME GIRYA HASAN SHAHEED HUWE
ALI KE CHAAHNE WALO BICHAO FARSHE AZA
N RUKNE PAAYE IN AANKHO SE ASHQ KA DARIYA
HAMARE DUSRE MOULA HASAN SHAHEED HUWE
IMAME WAQT PE UMMAT NE ZULM DHAYA HAI
SITAM KE ZEHR NE APNA ASAR DIKHAYA HAI
HUWA HAI TUKDE KALEJA HASAN SHAHEED HUWE
ALI KE KUNBE PE FIR SE KAYAMAT AAI HAI
NABI KE SHEHR ME HAR SU UDAASI CHAAI HAI
BILAKH RAHA HAI MADEENA HASAN SHAHEED HUWE
AY BABA AAPKI UMMAT NE KYA KYA GAM DHAAYE
MERE PISAR KE JANAJE PE TEER BARSAAYE
TADAP KE ROTI HAI ZAHRA(S.A)HASAN SHAHEED HUWE
BALA KE DASHT ME FIR TAZA HO GYI YAADE
UTHA KE DASHT SE QASIM KI LASH KE TUKDE
PUKAARE SHAAH DUBARA HASAN SHAHEED HUWE
RASOOLE PAAK NE HAM SE YAHI TO MANGA HAI
KHUSHI ME AAL KI KHUSH GAM ME GAM MANANA HAI
KAHO YE PEET KE SEENA HASAN SHAHEED HUWE
PACHAADE KHATA HAI MARKAD ME KHULD KA SULTAAN
AZA KE FARSH PE AAKAR AY SARWARO RIZWAN
ALI KO DIJIYE PURSA HASAN SHAHEED HUWE
7
Mohammad Ali. H. Palsaniya
Haiñ gham meiñ duba madeena hasan shaheed huve
Tadap ke roti hai zahra hasan shaheed huve
Laraz uthi haiñ jo qabre batool aur ahemad
Laga haiñ unko bhi sadma hasan shaheed huve
Kaha ye tabute ibne ali pe zainab ne
Ke phat gaya hai kaleja hasan shaheed huve
Diya jo ibne ali ko zahar wo joda ne
Ye kaisi asr hai barpa hasan shaheed huve
Jigar ke tukde bahattar huve hai mola ke
Hai larzi turbate zahra hasan shaheed huve
Tadap rahe hai farishte tadap rahe hai hussain
Gaye hai duniya se mola hasan shaheed huve
Shaheed mola hasan jab huve madeene meiñ
To kehke royi ye duniya shaheed huve
Lage the teer jo tabute mujtaba par wo
Hai karte roke ye noha hasan shaheed huve
Utha janaza madeene se jab hasan ka tha
To tab ye shor huva tha hasan shaheed huve
Bahake ashq 'mohammad' ghame hasan meiñ aur
Padha hai roke ye noha hasan shaheed huve
8
Imraan Sandhawali
Ujad gai meri dunya hasan shaheed hue
Pukaree roke ye farwa hasan shaheed hue
Sadaye'n rone ki aati haiN ghar se zahra ke
Hai dooba ranj me kunba hasan shaheed hue
Diya hai zahr jo shabbar ko haaye jodaa ne
Huwa hai zakhmi kaleja hasan shaheed hue
Sar apna peette jibreel aaye jannat se
Ke dene shaah ko pursa hasan shaheed hue
Yateem ho gaye qasim khaa ye fizza ne
Uttha hai baap ka saya hasan shaheed hue
Gujar rahi hai qayamat hussain ke dil par
Ye waqt kaisa hai aaya hasan shaheed hue
Pachade Khati haiN maiyyat pa bhai ki zainab
Huwa hai dil ko jo sadma hasan shaheed hue
Sar apna peet ke kulsoom ne khaa rokar
Sitam jahaaN ne hai dhaya hasan shaheed hue
Dahaade maar ke abbas ho gaye behosh
Gazab huwa hai ye kaisa hasan shaheed hue
Lahad me khaaq udate haiN haidere safdar
Hai dooba soog me kaba hasan shaheed hue
Na dafn ho saka pehlu me mera lakhte jigar
Nabi ke lab pa hai nauha hasan shaheed hue
Qarar gahmzada madar ko ab nahi milta
Tadap ke roti hai zahra hasan shaheed hue
Qalam ki nook se imraan likh ke ye nauha
Bahaya ashkon ka darya hasan shaheed hue
9
Navshad Bijani
Muaaviyah pe ho laanat khuda ki har lamha.
Usi ke zulm se maula hasan shaheed huve.
Zareeah usne banaaya tha binte as'as ko.
Kitabo me hai yeh likkha hasan shaherd huve.
