Ali ke ishq ki pikar sharaab khaybar me.
Tu aaj khol naya ayk baab khaybar me
Kaha nabi ne palatkar na dekhna peechhe.
Alam jo leke chale buturaab khaybar me
Jo mard hoga woh paayega kal alam mujh se.
Kiya nabi ne yeh sab se khitaab khaybar me
Ali ke haath me dekha jo deeN ka parcham to.
Bhagode ka huva khaana kharaab khaybar me
iram se hooroN ne barsaaye phool geti par.
Jo palte hoke ali kaamyaab khaybar me
Sambhal ke dekh ke naslo ko, zulfiqaare ali.
Chali hai kufr pe ban kar azaab khaybar me
Bhagoda sharmo haya se chhupata rukh apna.
Mohayya hota jo usko hijaab khaybar me
Bata rahi hai yeh taareekh sab ko, marhab ka.
Siva ali ke nahi tha jawaab khaybar me
Alm ali liye jaate the to bichhate the.
Malak bhi raahe ali me gulaab khaybar me
Ali hai mard to dugna diya unhe hissa.
Nabi ne maal ka karke hisaab khaybar me
Ali ke noor se raushan tha is qadar maydaN.
Ke maand aaya nazar aaftaab khaybar me.
Hara ke aata woh marhab ko hurmala ki tarah.
Jo jaata ladne ko ibne rubaab khaybar me.
Chubho ke ungliyaN dar ko ukhaad fenka jab.
Ali ka auj pe aaya shabaab khaybar me
Sadaa e naade ali se mamad me haydar ko.
Pukaarte haiN risaalat m'aab khaybar me
MmusalmaN jaage hai shab bhar alam ki khwaahish me.
Alam huva na magar dastyaab khaybar me
Ali se jang karega agar che marbah to.
Karega khoon se apna khizaab kaybar me
Shujaa'a hone ka karte the dhong us rukh se.
Ali ne aaj ulat di naqaab khaybar me.
Khushi se jhoom rahe haiN har ayk pal salmaaN.
Ali ke ishq ki pi kar sharaab khaybar me
Falak bhi juk ke use choomne laga Naushad.
Uchha shere khuda ne jo baab khaybar me
Naushad Bijani
+46 704 852 187
MILA HAI DEEN' KO EK MAHITAB KHEBAR MEIN
HUA HAI DEEN'N KA CHEHRA GULAB KHEBAR MEIN
ALI KI DEKH KE QUWAT NABI NE FARMAYA
ALI KA KOI NAHI HAI JAWAB KHEBAR MEIN
PADHI HAI DEEN PE MUSHKIL TO AAYE HAI HAIDER
BATA RAHE HAI RISALAAT MA'AB KHEBAR MEIN
NABI NE KEH DIYA MAI MARD KO ALAM DONGA
KHADE THEY DEKHTE NA MARD KHWAAB KHEBAR MEIN
ALI KE ATE HI MAIDAN SE BAHGNE WALE
BHAGODE JAL KE BANE HAI KABAB KHEBAR MEIN
NA DEKH PAYE WO MANZAR HUM APNI ANKHO SE
SAHABIYAT PE PADA THA AZAB KHEBAR MEIN
HAR EK JUNG ME KHTE RAHAE BAHDUR HU
KHULA NA DAR TO WO BHAGE JANAB KHEBAR MEIN
SULAG KE RAHE GAYE SAB DUSHMANE ALI SARKIL
ALAM JO LEKE GAYE BUTURAAB KHEBAR MEIN
Sarkil Nagri
9949104080
Dikha Sabhee ko Ali ka Shabaab Qaibar me
Alam Jo Leke Gaye Booturaab Qaibar me
Jo Mard Hoga Usee ko hi Doonga Dee’n ka Alam
Bat rahe hain Risaalat Ma’aab Qaibar me
Salaam Na Paaya Toh Maayoosiyan Nazar Aayin
Bikhar Ke Rahgaya Har Eik Qaab Qaibar me
Wo Dushmano ko Sabhi Zulfiqaar Se Apni
Diya Ali Ne Baraabar Jawaab Qaibar me
Ali Ne Marhabo Antar ko Istarha Maara
Ke Jaise Toot Pada Ho Sahaab Qaibar me
Aliyo Fatima Zahra ke Jo bhi Dushman they
Khuda Ka Toota hai unpar Azaab qaibar me
Ali ki Jung Ko Dekha toh Ye Kaha Sab ne
Zamee Pe Aagaya Ek Aaftaab Qaibar me
Paseena Shere Khuda ka Jo Jism se Nikla
Mahak Raha Tha Wo Misle Gulaab Qaibar me
Jo Bhaage Jung se Darr kar Ali se Ladnasake
Wo Kaise Honge Bober Kaamiyaab Qaibar me
Mir Bober Ali
