KahaN se laae zamaana teri misaal taqi

( By 1-Naushad Bijani, 2-Haidar Jafri, 3-Jafar Dehraduni

in MaddaeAaleAba )
  • Name:
  • Section:
    MaddaeAaleAba
  • Number of pages:
  • Date Added:
    07/03/2020
KahaN se laae zamaana teri misaal taqi

HaiN aap waarise mehboobe zuljalaal taqi. (a.s.)
Adam se aap haiN dunya me bemisaal taqi. (a.s.)
 
The waaledayn mere aap par fida maula.
Rahegi aap pe qurbaan meri aal taqi. (a.s.)
 
Madad ke waste baali pe meri aajaana.
Jahaane faani jab ho mera visaal taqi. (a.s.)
 
DiloN me paali hai hamne fakat yahi khwaahish.
Sajaaye aap ki mehfil harek saal taqi. (a.s.)
 
Nahi hai iske siva zindgi meri Naushad.
Hai mera maazi o mustaqbil aur haal taqi. (a.s.)
 
Tumhaara zikr hai zikre khuda o zikre rasool.
Tumhaara wasf bayaN karna hai muhaal taqi (a.s.)
Naushad Bijani
+46 704 852 187

 


khuda k Deen ka Muhafiz, Raza ka Lal Taqi
Ali ki jan, Mohammad ka Ham Khyal Taqi
 
Wo Mat Khagaey Tm Sey, Jo They Barey Aalim
Kamal ye he Abhi Sin Aath Saal Taqi
 
Manazrey Ko Bhi Aaya Hey Wo biney Aksam
Jo Kar Na Paae Abhi Theek Sey Sawal Taqi
 
Dikha Key Ilmey Imamat Key Ap Ney Johar
Kya He Maqsad e Batil Ko Paaemal Taqi
 
Fida Ho Ap Pe So Bar Husne Yousof Bhi
Ata kiya Tumhee Khaliq Ne Wo Jamal Taqi
 
Darakht e Khusk Bhi Mewoo.n  Sey Lad Gya Aik Dam
Faqat Ye Ap ke Jane Ka Tha Kamal Taqi
 
Main Sirf Hirz e  Imam e Jawad Bandh Aaya 
To Ban Gae Mere Bachoun Ki Aik Dhal Taqi
 
Misaal Jab Na Mili Moosa e  Mubarqa Ki
Kahan Se Laae Zamana Teri Misaal Taqi
 
Isi Lie Tujhey Babul Muraad Kehtey Hain
Gaya Na Khali Kya Jis Ney Bhi Sawal Taqi
 
Wo Beti De To Raha Hey Magar Samjhta Hey
Kisi Tarah Meri Galne Na Dende Daal Taqi
 
Tumhare Hath Ka Dhuwan Bana H Lal o Gohar
Tumari Zat Ka Phir Hoga kya Kamal Taqi
 
Jahan Bhi AaeGi Taqwe Ki Bat Khud Barh Kar
Khuda Bhi Dega Yaqenan Teri Misaal Taqi
 
Yahan Wahan Bhala Ab Jaaey Kis Lye Haidar 
Tera Ghulaam Hey Tu Khoud Isey Sambhaal Taqi
Haidar Ali Jafri
Qum Al Muqaddas Iran
 


Salaam Aap per lakho'n Ali ke Laal Taqi s.a.
Hai kainaat me bemisl bakamal Taqi s.a.
 
Tumhare sadqe me qayam hai arsh aur falak
Zamana laaye kaha'n se teri misaal Taqi
 
Oloome Ilme Nabi aur Ali ke waris ho
Tum hi Imame Raza ke ho naunihaal Taqi
 
Tumhare ishq me jisko Orooj milta hai
Nahi naseeb me unke kabhi zawaal Taqi
 
Mila hai apno ko ghairo'n ko aapke dar se 
Sakhi hain ibne sakhi aap bemisaal Taqi
 
Mitane waalo'n ki nasle hi mit gayi lekin
Hai baaqi ab bhi jaha'n me Nabi ki Aal Taqi
 
Ye bhai bhai me nafrat hasad ki deeware'n
Gira ke jald ho'n rishte sabhi bahaal Taqi
 
Tumhari dil me hai ulfat sharaf hai Jafar ka
Zamana chheen le mujhse kaha'n majaal Taqi
Jafar Dehraduni

Video

Latest Write Ups

Ali ne jab alam deeN ka uthaya jange khaybar me ( By Naushad Bijani in MaddaeAaleAba )

19/03/2020

Jange khaybar
VIEW WRITE UP

Ham faqeeroN ki bhi haajat ho rava ya maula ( By in MaddaeAaleAba )

17/03/2020

22 rajab sufra imaame jafar sadiq a.s.
VIEW WRITE UP

Ham ko hai aasra sakeena ka ( By Naushad Bijani in MaddaeAaleAba )

15/03/2020

Wiladat qaseeda
VIEW WRITE UP

Mila hurre jari ko sheh se tohfa khubsoorat hai ( By Naushad Bijani in MaddaeAaleAba )

13/03/2020

Mila hurre jari ko sheh se tohfa khubsoorat hai
VIEW WRITE UP

Ran me besheer ki hai wigha bemisaal ( By Naushad Bijani in MaddaeAaleAba )

12/03/2020

Ran me besheer ki hai wigha bemisaal
VIEW WRITE UP

Ab tere havaale hai sakeena meri zainab. ( By Naushad Bijani in MaddaeAaleAba )

11/03/2020

Masaaib (imaam husain a.s. ka janabe zainab se rukhsat hona)
VIEW WRITE UP

Jise aale Mohammad ki Mohabbat raas aati hai ( By Sibtain Sayyadi in MaddaeAaleAba )

10/03/2020

Jise aale Mohammad ki Mohabbat raas aati hai
VIEW WRITE UP

KahaN se laae zamaana teri misaal taqi ( By 1-Naushad Bijani, 2-Haidar Jafri, 3-Jafar Dehraduni in MaddaeAaleAba )

07/03/2020

Wiladat Imam Mohammad Taqi a.s.
VIEW WRITE UP

Uth raha hai janaaza naqi ka ( By Naushad Bijani in MaddaeAaleAba )

06/03/2020

Shahaadat
VIEW WRITE UP