Khuda ki ab use har ek Adalat raas aati hai
Jise aale Mohammad ki Mohabbat raas aati hai
Namaaze waqt par padhle ya roze saal bhar rakhe'n
Agar ishq Ali hai Toh ibaadat raas aati hai
Baney ho Tum Dikhaawe ke Liye hi Hafize quraa'n
Sharafat ho agar tho hi Tilawat raas aati hai
Maqabil haq parasto ke kabhi Ahle sitam teri
Na daulat raas aati hai na quwwat raas aati hai
Kharidunga faqat ik ashq ke qatre se mai jannat
Ghame Shabbeer me ashqo ki Dauwlat raas aati hai
Najasat ho bhari jiske lahoo me usko duniya me
Nabuwat na taharat na wilayat raas aati hai
Mai jana Chaahta hu'n baari baari isliye logo
Mujhe Karbobal ki bas ziyarat raas aati hai
Mohhibe haidere karrar ko kab MOUT aati he
Hayaate jawedaani ta qayamat raas aati hai
Habeeb ibne mazahir ne ye zahir kardiya logo
Mohibbe shaahe wala ko shahadat raas aati hai
Jaha me ho ya mehshar me zaroori hai muhsalmaa'no
Kisi bhi haal Haider ki wilayat raas aati hai
Dare khibar utakar ye baathaye hai Ali sab ko
Halali ho agar lukhma tho khuwwat raas aati hai
Agar thaame ho ahlebat ka daman zamane me
Khuda ki hamd Qur'aa'n ki tilawat raas aati hai
Ali ke ishq me dooba huwa hai isliye "Sibtain*
Fraaze dar par Meesam ko Midhat raas aati hai
Sibtain Sayyadi
9032010018
