Meri imdaad karo bahre khuda ya maula.
Door kar dijiye har gham ki ghata ya maula
Aap ke naam se sufra hai bichhaaya ham ne.
Door ham sab ki ho har ayk bala ya maula
Aaye hai joliyaN failake tumhaare dar par.
Ham faqeeroN ki bhi haajat ho rava ya maula
Aaj dunya me hai beemaar hazaaro momin.
Bakhshdo saare mareezoN ko shifa ya maula
Misle hur aaye hain ham aaj tumhaare dar par.
Bakhsh do aaj hamaari bhi khata ya maula
Aap ke fazl se beemaar shifa paate haiN.
Hai dava aap ke daaman ki hawa ya maula
Ham ko chhu paaye na gham koi bhi yeh dinya ka
Likh do kismat me fakat sheh ki buka ya maula
Khwaahishe jannato firdaus nahi karta mai.
Ho muqaddar me mere karbobala ya maula
Hai zameeN aur falak aap ke dam se kaayem.
Aap se baaki hai aalam ki bina ya maula
Apne deedar se tum usko musharraf karna.
Aaye "Naushad" ka jab waqte kaza ya maula
Naushad Bijani
+46 704 852 187
