2. Naushad Bijani
Ashkiya ne milke tera ghar jalaaya faatema.

Aur dar jalta huva tujh par giraaya faatema.

 

Dar ke neeche tu thi or upar se guzre ashkiya.

Zaalimo'n ne payro'n se tujhko hai ronda faatema.

 

Vazn aane se shikam par ho gaye mohsin shaheed.

Saans tak bhi le na paaya tera baccha faatema.

 

Is sitam se teri chakna-choor pasli ho gai.

Aur pahelu bhi huva tera shikasta faatema.

 

Thaam fizza mujhko *haaye mar gaya baccha mera .*

Qable ghash tere labo'n par tha yeh jumla faatema.

 

Dar me thi keele'n woh sab tere badan me chubh gai.

Ho gaya tar khoo'n me har aaza tumhaara faatema.

 

ik shaki ne maari pehlu me tujhe nok-e-nayaam

Dooje zaalim ne tujhe maara tamaacha faatema.

 

ik shaki ne daali thi haidar ki gardan me rasan.

Dooje ne maara tha tujko taaziyaana faatema.

 

Jis tarah se maahiye be aab tadpe dhoop me.

Zere dar tha is tarah tera tadapna faatema.

 

Rone par bandish thi lekin ashk bhi thamte na the

Kis qadar mushkil tha tera haaye jeena faatema.

 

Din me baytul huzn me karti thi giryah faatema.

Ashko se karti thi shab me tar musalla faatema.

 

Raat din ro ro ke baaba par yateema faatema.

Bas bahaati aakho'n se ashko'n ka darya faatema.

 

Turbate baaba pe jab karti thi shikva faatema.

Peet kar kehti thi sar subbat alayya faatema.

 

Haath me thaame asa mushkil se chal paati thi woh

*Ho gayi 18 saaloN me zaeefa Fatema.*

 

Rote rote kar gai ik din safar sooye iram

Chhor kar dunya ko woh khaatoon ulya faatema.

 

Ghusl khaane se sada purdard aai yak-ba-yak.

Rote rote keh rahe the mere maula faatema.

 

Apne zakhmo ka nahi mujh se kabhi shikva kiya.

Baar yeh gham ka uthaaya tune tanha faatema.

 

Paara paara pasliya'n hai teri ay binte nabi.

Or tera pehlu bhi hai haaye shikasta faatema.

 

Zindgi bhar zakhm tere ab rulaayenge mujhe.

Fat raha hai mera is gham se kaleja faatema.

 

Dehr ke mushkil kusha kehte the seena peet kar.

Hai bahut mushkil yeh tera gham bhulaana faatema.

 

Khidmate zehra me hai Navshad ki yeh ilteja.

Aap mujho hashr me dena sahaara faatema.
Naushad Bijani

Fakhre maryam fakhre saara fakhre havva faatema.

Binte Ahmad paara e qalbe khadeejah faatema.

 

Qurrate ayne sahanshaahe madeena faatema.

Zauja e shaahe najaf umme abeeha faatema.

 

Maadare hasnain sardaare nesaail aalmi'n.

Maalike khuldo iram dee'n ka safeena faatema.

 

Rahmatul-lil aalmee'n payghambare islaam hai.

Aur hai unke liye rehmat ka chashma faatema.

 

Aayate tat'heer hai jiski tahaarat ki sanad.

Maryame kubra hai woh ismat ka darya faatema.

 

Jis mohammad ki sana karti hai dunya raat din

Us mohammad ki zaba'n ka hai vazeefa faatema.

 

Majlise shabbeer me Navshad baitho ba-adab.

Aati hai lekar yaha'n roomaal zehra faatema.

3. Sarkar mehdi zaidi
Gunjte h ye sda hay fatima ya fatima.

Hay ummat ne tumhe kitna staya fatima.
 

Bad baba ke hue zulmo setam ki emteha.

Tere mohsen ko shekham me maar dala fatima .
 

Hay tadap ke ro pade mushkil kusha ye dekh kr .

Pasliya tute h hamko na btaya fatima .
 

Karbala se sham tak ek hue zainab zahef .

ho gye attahara saloun m zahefa fatima

Sarkar mehdi zaidi
 

---

---

---

---

---

4. Gaazi Abbas Zainabi
Rotey hai sarr peetkar ahley aza ya fatema'
Jab sunaa Darbaar mey khaayi tamaacha' fatema'

Khulkey baba par tujhey roney na detey they adoo
Raas ummat ko na aaya Tera girya fatema'

Jalta darwaaza giraakar tujhpey dushman Deen ke
Terey Mohsin ko shikam mey maardaala fatema'

Apney Mohsin ko fidaa karkey wilaa e Deen par
Mohsina tuu qudd wilaayat kii banii ya fatema'

Zindagi bhar bhool paaye hi nahi betey terey
Thaamkar pehlu Tera Darbaar jaana fatema

Narga e aadaa mey bintey Ahmad e muqtaar hai
Khaagaya ye dard Hyder ko zyaada' fatema'

Ghar jalaakar tujhpey jaltaa darr giraakar ummati
Baap ka detey hai aisey tujhko pursa' fatema'

Qabr ke baahar tujhey aansu bahaatey dekhkar
Rorahey hai qabr mey shaah e madeena' fatema'

Khoon Hyder umr bhar is baat par rotey rahey
Hogayi atthaara saalo'n mey zaeefa' fatema'

Zulm baad e baap tujhpar Jo huwey wo sochkar
Gaib mey rotaa hai ab bhi Tera potaa fatema'

Izn deydeejey faqat aakar baqeea' eak din
Aapko "GAAZI" sunaayega ye nauha' fatema'
Gaazi Abbas Zainabi

---

---

---

---

---

5. Chaman Rehmati Alipuri
Fathema ya Fathema ya Fathema  Ya Fathema..
Dono'n aalam may Tera matam hai BarPa Fathema..

Padhrahi thi Qabr-e-Ahmed per ye Nouha Fathema..
Aapke bin Jee nahi sakti ye dukhya Fathema..

Marsiya Subbat Allaiya ka wo padhna hai gawaah,
Badd BaBa ke Tujhe kitna tha Sadma Fathema..

Ghar jalaya  Dar giraya hogaye Mohsin Shaheed,,
Aur Pehlu hogaya Tera Shakista Fathema..

Zainab o Kulsoom haye hogaye hain ab Yateem,,
Utth gaya hai sar se inke Tera Saya Fathema..

Jaane kitne dard o ghum tootay hain Nanhi jaan per,
Haaye Bachpan may hi lagti hai Sakina Fathema..

Khoon ke aansoun bahaatay hain imam-e-waqt phir,
Dekhtay hain jab Tera weeran Rouza Fathema..

Dard o Ghum kaise baya'n ho bas ye likhta hai Chaman,,
Hogayi at'thara saal'oun may Zayifa Fathema..
Chaman Rehmati Alipuri

---

---

---

---

---

6. Rizwan Karbalai
AAP KE DUSHMAN PE KARTA HU TABARRA FATEMA(S.A)
CHAAHE BAN JAYE MERA DUSHMAN ZAMANA FATEMA(S.A)

UN SABHI KE CHAHNE WALO SE KAISA ITTEHAAD
JIN LAEENO NE TERE MOHSIN KO MARA FATEMA(S.A)

ZALIMO KO CHAHNE WALE BHI IK ZALIM HUWE
KOULE AHMAD PAR ME RAKHTA HU AKEEDA FATEMA(S.A)

AAP KE DAR KO JALA KAR HAS RAHE THE KON KON
AK DIN IS RAAZ SE PARDA UTHEGA FATEMA(S.A)

AK DIN LAYENGE AYYAME AZA WO INQLAAB
HOVEGA BE PARDA HAR QATIL TUMHARA FATEMA(S.A)

AHMADE MUKHTAAR DUNIYA SE KYA RUKHSAT HUWE
QALMA GO SHAITAAN SE BAD HO GYA YA FATEMA(S.A)

WAQTE GURBAT AA PADA JAB MAZHABE ISLAM PAR
KAAM AAI AAPKI MAADAR KHADEEJA(S.A)FATEMA(S.A)

KUCH AMAAME WALE AB FARSHE AZA KI AAD ME
KAR RAHE HAIN MAJLISE SARWAR KA SOUDA FATEMA(S.A)

WAASTA SHABBIR KA KAR LO AZADAARI KUBOOL
WARNA ROZE HASHR KYA HOGA HAMARA FATEMA(S.A)

CHAAHE DUNIYA JAAN SE BHI MAAR DE TO GAM NAHI
HAM SADA KARTE RAHENGE YA ALI YA FATEMA(S.A)

TERE QATIL KO YAHA ZINDA JALAYA JAYEGA 
WADI E GAIBAT SE JAB PARDA UTHEGA FATEMA(S.A)

HAI YAHI SUBBAT ALAYYA KA MUKAMMAL TARJUMA😭
HO GYI ATHTHARA SAALO ME ZAEEFA FATEMA(S.A)😭

SAB MASA'IB PAISH KARNE KO QALEJA CHAHIYE
KIS TARAH RIZWAN LIKHTA TERA NOUHA FATEMA(S.A)
Rizwan Karbalai

---

---

---

---

---

7. Anees abr Kanodari Anees abr Kanodari

---

---

---

---

---

8. Asghar Asmee Kanodari Asghar Asmee Kanodari

---

---

---

---

---

9. Taqi Kazmi Taqi
Aaj bhi hairaan Hai ye sari duniya fatema.
Kaise utra aapke dar pr sitara fatema.

Us bulandi pr koi khatoon ja sakti nahi.
Aapka dono jhaa.n me Hai wo rutba fatema.

Khaki insa.n Kya samaj paye Tere maiyaar ko.
Khuld me jata Hai Tere Ghar ka khana fatema.

Paye Jate Hain adab or ilm ke moti jhaa.n
Tere aangan se hi behta Hai wo dariya fatema.

Tu Jo kehde is zami.n pr Haq use pura kre.
Kitna Hai mazboot rab se tere rishta fatema.

Jb kha ye aapne jannat se aayenge libas.
Banke darzi Tere Ghar Rizwaan aaya fatema.

Yun to shayar or bhi guzre zamane me magr.
Har koi na likh saka tera qasida fatema.

 Masayib
kis qadar logo ne tum pr zulm dhaya fateme.
Haq ki khatir tumne khaya Hai tamacha fatema.

Apna haq lene tujhe darbaar me Jana pda.
Baag China or tumhara Ghar jalaya fatema.

Kis qadar the zulm tumko dekh ker sabit hua.
Ho gyi 18 salo me zaeefa fatema.

Ashq aankhon se rwa.n Hain kaanpti Hain ungliyan.
Kis tarha likkhun tumhare gham ka nouha fatema.

Mai rhu tameer me shamil dua Hai ye taqi.
Jis ghadi tameer ho wo tera roza fatema.
Taqi Kazmi Taqi

---

---

---

---

---

10. Shahid Husain Shahid Shahid Husain Shahid

---

---

---

---

---

Altaf Haidari Maroofi Altaf Haidari Maroofi