Naushad Bijani
Karta hu mai misra ye ro ro ke raqam zehra.
Dunya se gai seh kar har ranjo alam zehra.
Dhaate the musalma'n sab jab tujh pe sitam zehra.
Turbat me tadapte the tab shaahe umam zehra.
Ta umr tu roi hai baaba ki judaai me.
Thi baade nabi aankhe'n har dam teri num zehra.
Pasli pe nazar kar ke bole yeh ali ro kar.
Ta umr na bhulunga mai tera yeh gham zehra.
Tha daage pisar dil par or gham tha yateeme ka.
Dunya se uthi jis dam khaatoone iram zehra.
Darbaar se jab vaapis ghar aai nabi zaadi.
Roti thi bilak kar tab maalik ki qasam zehra.
Ummat ke sitam se kham thi teri kamar lekin.
Hone na diya tune kham dee'n ka alam zehra.
Islaam pe tera hai ik yeh bhi karam zehra.
Dhaaya tune khutbe se aywaane sitam zehra.
Nikli thi andhere me jab ghar se teri mayyat.
Karte the tera maatam tab ahle haram zehra.
Maatam bhi karega or royega sada tum par.
Ta maut na bhulenga Navshad yeh gham zehra.
Naushad Bijani