Koi dunya me nahi umme abiha beti.

( By Naushad, Jafar

in Valedayn )
  • Name:
  • Section:
    Valedayn
  • Number of pages:
  • Date Added:
    13/02/2019
Koi dunya me nahi umme abiha beti.

Naushad Bijani
Qabl 1400 baras ahle arab the jaahil.
Dafn kar dete the turbat me woh zinda beti.
Aaj insaan tarakki se bana hai ajhal.
Payda dunya me woh hone nahi deta beti.
 
Mujh ko manzoor hai beta de khuda, ya beti.
Qurrate ayn hai maa'n baap ke beta beti.
Ha magar deen me beti ka hai aala rutba.
Beta neamat hai to rehmat ka hai darya beti.
 
Beti moosa ne thi maangi yu'n khuda se keh kar.
Baap ke vaaste hai shaane janaaza beti.
 
Ghayrate ummate Ahmad nahi bedaar huvi.
Umr bhar karti rahi baap pe girya beti.
 
Kis qadar baap ki yaado me woh tadpi dono.
Sughra yasrab me to zinda'n me sakeena beti.
 
Shaame ghurbat me chali ran ke andhere me woh.
Dhoondne baap ko or baap ka seena beti.
 
Laashe be-sar ne sada haatho ko fayla ke di.
Mai yaha'n soya hu aaja meri aaja beti.
 
Laashe baaba ki taraf roti huvi jaane lagi.
Thaam ke apna andhere me kaleja beti.
 
Lashe se baap ki liti yu sakeena jayse.
Pa gai sadiyo se khoya huva baaba beti.
 
Baap ke seene pe sar rakh ke bahaakar aansu.
Ayk ik zulm ka karti rahi shikva beti.
 
 
Aa gaye shaame ghareebaa'n me najaf se haidar.
Toota neza liye jab deti thi pehra beti.
Dekh ke ghurbate zainab yeh kaha haidar ne.
Baap aaya hai tujhe dene dilaasa beti.
 
Yeh haqeeqat hai ke Navshad siva zehra ke.
Koi dunya me nahi umme abiha beti.
Naushad Bijani





Jafarali Jafar
Sukoon-e- qalbe padar ki hai ek dua beti
Naseeb walo ko deta hai bas khuda beti

Bikhre ghar ko wo bana deti hai jannat ki tarah
Ho agar sahibe imaan or taqwa beti

Hai beta neymate khuda agar zamane me
Yaqee'n jaaniye hai'n rehmate khuda beti

Khuda ki rehmate naazil waha'n per hoti hain
Hai'n rehti jinke gharon me bhi ba-haya beti

Khuda ne jisko banaya hai juz Nabuwat ka
Mili hai tumko faqat aisi Mustafa beti

Rahegi nasle nabi hashr tak zamane me
Sanad hai surah-e-kausar ki Fatima beti

Karke taazeem batate'n hain nabi duniya ko
Iffato'n izzato'n barkat ka hai saya beti

Siwaye Fatima ke kainaat me Jafar
Koi duniya me nahi umme abeehaa beti
Jafarali Jafar

Video

Latest Write Ups

Pada hai bekafan koofe me laasha haaye muslim ka. ( By Naushad Bijani in MaddaeAaleAba )

10/08/2019

shahadat Muslim bin Aqeel
VIEW WRITE UP

Hai ibaadat dekhna ulfat se chehra baap ka. ( By Naushad Bijani in Valedayn )

17/06/2019

Hai ibaadat dekhna ulfat se chehra baap ka.
VIEW WRITE UP

Sar dete na sabbeer to quraan na hota. ( By Naushad Bijani in MaddaeAaleAba )

11/06/2019

Sar dete na sabbeer to quraan na hota.
VIEW WRITE UP

Haq shafaa-at ka sheh ko haasil hai. ( By Naushad Bijani, Sibtain Sayyadi in MaddaeAaleAba )

11/06/2019

Haq shafaa-at ka sheh ko haasil hai.
VIEW WRITE UP

Girya kuna hai masjide koofa Ali Ali ( By Sibtain sayyadi in MaddaeAaleAba )

11/06/2019

Girya kuna hai masjide koofa Ali Ali
VIEW WRITE UP

Khoon me hai tar Amaama Haidre karrar ka ( By Sibtain sayyadi in MaddaeAaleAba )

11/06/2019

Khoon me hai tar Amaama Haidre karrar ka
VIEW WRITE UP

Uth raha hai ali ka janaaza ( By Sibtain sayyadi in MeesameTammar )

11/06/2019

Uth raha hai ali ka janaaza
VIEW WRITE UP

Sunke shabbeer ka naam aakho me aaya paani ( By Naushad Bijani, Sibtain Sayyadi in MaddaeAaleAba )

11/06/2019

Sunke shabbeer ka naam aakho me aaya paani
VIEW WRITE UP

Khatm hone ko hai Ramzaan khuda khayr kare ( By Naushad Bijani, Sibtain sayyadi in MeesameTammar )

11/06/2019

Khatm hone ko hai Ramzaan khuda khayr kare
VIEW WRITE UP

Tere dam se baaki hai quraan zainab. ( By Naushad Bijani in MaddaeAaleAba )

06/06/2019

Tere dam se baaki hai quraan zainab.
VIEW WRITE UP

Koi dunya me nahi umme abiha beti. ( By Naushad, Jafar in Valedayn )

13/02/2019

Koi dunya me nahi umme abiha beti.
VIEW WRITE UP