Syed Gulzar Hasnain Faizabadi
Jab bhi Abbas ke Parcham ki hawa chalti hai,
Sath dushman ke liye Apne kaza chalti hai.
Bach nahi sakta koi waar se ghazi ke kabhi,
Nazrei'n Abbas ki toofa'n ki tarha chalti hai.
Ankh pathra nahi sakti hai Azadaaro'n ki,
Kyonki ye sath liye Ashq e Aza chalti hai.
Maut ko ana hai aa jaye kisi pal bhi kabhi,
Zindagi sath liye karbobala chalti hai.
Koi takraya jo gar rait mei mil jayega,
Sath Abbas ke Haider ki Ada chalti hai.
Tewaro himmat e Abbas, Ali ki manind,
Ungliya'n thaam ke Haider ki, Wafa chalti hai.
Jab se Gulzar bana Aale Aba ka Naukar,
Tab se Gulshan mei masarrat ki Fiza chalti hai.
Syed Gulzar Hasnain Faizabadi