Naushad Bijani
Uthaai kya kya zehra ne museebat poochh Fizza se.
Huvi kis tarh mohsin ki shahaadat poochh Fizza se.
Utha baaba ka saaya faatema zehra ke sar se jab.
Sitam ki kaysi tooti thi qayaamat poochh Fizza se.
Mohammad ki navaasi ki tu gurbat poochh Fizza se.
Uthaai kya kya zaynab ne museebat poochh Fizza se.
Chali hai dhoop me taa saahm woh purkhaar raho me.
Thi kaysi pyaas ki har gaam shiddat poochh Fizza se.
Tadapna pyaas se sajde me sarwar ka tahe khanjar.
Shaheede karbala ki tu shahaadat poochh Fizza se.
Gale me dekh kar besheer ke teere sitam tadpi.
Rubaabe khasta tan ki kya thi haalat poochh Fizza se.
Lipat kar kis qadar royi thi sughra bhaai se apne.
Ali akbar ki tu yasrab se hijrat poochh Fizza se.
Adu ka shaam ke baazaar aur darbaar me "Navshad"
Nabi ki aal ki karna ehaanat poochh fizza se.
Naushad Bijani
+46 704 852 187