1. Navshad Bijani
Azeezo aaj ki mehfil baraaye zainab hai.
Malak falak pe bhi mehve sanaaye zainab hai.
Khuda ka deen bachaaye husain sajde se.
Bachaale sajda e sheh woh rida e zainab hai.
Yeh noor farshe aza par jo aap dekhte hain.
Aza e sheh me mulavvas ziya e zainab hai.
Khilaafe zulm bapa inqelaab karna ho.
To unke vaaste bas naqshe paae zainab hai.
Yeh *Naahiyah* ki ziyaarat me aap pad lena.
Salaam shaahe zaman ka baraaye zainab hai.
imaam karte hai jalti zameen par sajda.
Or uspe saaya figan bas ridaae zainab hai.
khayaame ehle haram jal rahe hai sholo'n me.
yeh apne kaandho pe kisko uthae zainab hai.
Ghire rahenge yazeedi ta hashr toofa'n me.
Aza ki shakl me chalti hava e zainab hai.
Kare jo bhaai ka maatam gharo'n me qaatil ke.
Jaha'n me koi bhi aysa siva e zainab hai?
Aza husain ki bunyade deene Ahmad ho.
Yeh zaalimo ke muqabil ana e zainab hai.
Charaaghe zulm ko ik pal me yeh bujha degi.
Jaha'n me shaam se fayli saba e zainab hai.
Adu e deene nabi se husain ki maanind.
Baraaye deene mohammad wigha e zainab hai.
Mila hai jisko bhi Navshad sheh ka gham us par.
hai faatema ka karm or ata e zainab hai.
Navshad Bijani