Navshad Bijani
Khuda ki badaai ka ikraar sajde.
Hai momin ke imaaN ka meyaar sajde
Kabhi nauke neza kabhi zere khanjar
HaiN karke gaye shaahe abraar sajde
Maye hubbe haydar ko pee kar hamesha.
Woh karte hai ban ban ke maykhaar sajde.
Ali ki mohabbat me ham misle meesam
Karenge hamesha sare daar sajde
NamaazoN ko tu umdgi se ada kar.
Ke usme bhi hote haiN sardaar sajde
Ali se agar dushmani hai tuje to.
Banenge tery pusht pe baar sajde.
Na royega gar tu ghame shaahedeeN me.
To ho jaayenge tere bekaar sajde.
O zehra ke dushman lahad me hamesha.
Chubhenge tuje an ke yeh khaar sajde.
Mohabbat me haydar ki siffeen me bhi.
Huve qatl kar kar ke ammar sajde.
Agar dil me Navshad ishqe ali hai.
To bakhshish ka bante haiN hatyaar sajde.
Navshad Bijani
+46 704 852 187