Naushad Bijani
Huvi karbala me ada shaan rab ki.
Shahadat jahaN deen ne thi talab ki.
Agar bughz hai tere dil me ali ka.
Hai bekaar fir to ibaadat bhi rab ki.
Hai dushman nabi ka woh rab ka hai dushman.
Hai quraaN me haalat bayaaN bu-lahab ki
Jo hai muttaqi woh khuda ka hai pyaara.
Nahi hai fazeelat ajam ya arab ki.
Dare binte Ahmad ki yeh hai fazeelat.
Malak ne bhi aakar ijazat talab ki.
Ali ki fazeelat se jalte hai hardam.
Hai aadat puraani yahi kam nasab ki
Kabhi bhi na siddeeq ban paaega woh.
Jo karta hai chori ali ke laqab ki
Hai yeh khaas aale nabi ke liye bas.
Khuda ne wilaayat ko hai muntakhab ki
Dua hai ye Navshad ki rab se har dam.
Khata bakhshde mere maabood sab ki.
Naushad Bijani