Hai ibaadat dekhna ulfat se chehra baap ka.

( By Naushad Bijani

in Valedayn )
  • Name:
  • Section:
    Valedayn
  • Number of pages:
  • Date Added:
    17/06/2019
Hai ibaadat dekhna ulfat se chehra baap ka.

Naushad Bijani
Rahmate allah hai dunya me hona baap ka
Hai ibaadat dekhna ulfat se chehra baap ka
 
Bhul mat jaana jawaN ho kar tu rutba baap ka.
Tu samajna umr bhar ehsaN saraapa baap ka.
 
Ghar me laata hai kama kar baap hi rizqe halaal.
Ha magar mehnat se behta hai paseena baap ka.
 
Ho ke rab naaraaz tera rizq kam kar dega woh.
Dil agar tune zaeefi me dukhaaya baap ka.
 
Rehti hai mustaghna har ik fikr se dunya me woh.
Jab talak aulaad pe hota hai saaya baap ka.
 
Rusva mat usko tu karna uske mar jaane ke baad.
Kaare bad se mat dubo dena safeena baap ka.
 
Baap is ummat ke do haiN ik nabi or ik ali.
Bhool baythe rutba yeh ahle sakeefa baap ka.
 
Kehte hai kaafir ali ke baap ko woh log sab.
Jiske ke milta nahi jag me thikana baap ka.
 
Isme hai teri bhalaai yuN samaj lena sada.
Sakht ho jaayr agar *Naushad* lehja baap ka.

Naushad Bijani
Peet kar karti thi maatam haaye zehra baap ka.
Raat din ro ro ke padti thi woh nawha baap ka
 
Haal qaasim mai bayaN kaise karu ay momeno.
Laut kar aaya tha jab ghar me janaaza baap ka
 
Kehte the ro ro ke Aabid karbala se shaam tak.
Kar na paaya dafn mai uryaan laasha baap ka.
 
Khaak par shaame ghareebaN me na aayi neend  jab.
Intezaar us waqt karti thi sakeena baap ka.
 
Dekha jab kadiyal jawaN ke seene me barchhi ka fal.
Gham se tab hone laga chhalni kaleja baap ka
 
Ho ke rukhsat jab chale akbar to yeh bole husain.
Dekhte rehna zara mud mud ke chehra baap ka.
 
Aagaye shaame ghareebaN me ali kehte huve
Kar qubool ay zaynabe kubra tu pursa baap ka.
 
Ro rahi thi woh bilak kar shaam ke zindaan me.
Yaad kar kar ke sakeena haaye seena baap ka.
 
Gham se fat ta hai jigar *Navshad* yaad aata hai jab.
Laashe akbar ko zaeefi me uthaana baap ka.
Naushad Bijani
+46 704 852 187




Jafar ali Jafar
Khushnaseebo ko mila karta hai saya baap ka
Baa'ise rehmat khuda hai ghar me hona baap ka

Kitni mehnat se hai karta parwarish aulad ki
Kya samajh payenge ham ghar ko chalana baap ka

Ho kabhi aawaz na hargiz buland maa-baap se
Hai ibaadat dekhna ulfat se chehra  baap ka

Kitni hi mushkil ho chahe ghamzada ho'n dosto
Deta hai dil ko sukoo'n bas thapthapana baap ka

Le gaye  aksar kabhi masjid kabhi majlis me wo
Yaad aata hai mujhe yu'n dee'n sikhana baap ka

Khidmate maa-baap ka kismat se milta hai sharaf
Dekho tum hargiz kabhi na dil dukhana baap ka

Kis tarah bandhta hai sehra unke dil se poochiye
Jinke sir se uth gaya shafqat ka saya baap ka.

Kehte the Qasim ijazat ran ki de do ae Chacha
Hai bandha baazu me mere dekho nama baap ka

Waqte rukhsat kehte the akbar se ye rokar Hussain
Tum samajh sakte nahi yu'n piche aana baap ka

Ya Ali karna madad mushkil bahut hai marhala
Bete ke seene se hai barchi hatana baap ka

Bhool na paayi sakina manzar-e-karbobala
Waqt-e-aakhir seene per apne sulana baap ka

Bakshi hai Allah ne anmol daulat ye Hame
Kis tarah likhu mai Jafar Kya hai rutba baap ka
Jafar ali Jafar
+91 89234 37861

Video

Latest Write Ups

Alam jo leke chale buturaab khaybar me ( By Naushad Bijani, Sarkil Nagri, Mir Bober Ali. in MaddaeAaleAba )

13/02/2020

Alam jo leke chale buturaab khaybar me
VIEW WRITE UP

Jannat ke shaahzaadoN ki maadar batool hai ( By Naushad Bijani, Sarkil Nagri, Hayder Nagri in Bibi Fatima(sa) )

13/02/2020

Jannat ke shaahzaadoN ki maadar batool hai
VIEW WRITE UP

Jo ghadeere khum me tashna reh gaya ( By Naushad Bijani in MaddaeAaleAba )

10/02/2020

Jo ghadeere khum me tashna reh gaya
VIEW WRITE UP

Luta kar apni dunya bhaai par aai watan zaynab ( By Naushad Bijani in MaddaeAaleAba )

07/02/2020

Shahaadat
VIEW WRITE UP

Jange Khaybar ( By Maddahe aale aba. Ashiq, Navshad, Jaafar. in MaddaeAaleAba )

06/02/2020

Pukare mustafa aajaao haidar jange khaibar me.
VIEW WRITE UP

Gham se dil hai paara paara maadre abbas ka ( By Naushad Bijani in MaddaeAaleAba )

06/02/2020

Shadat Bibi Ummul Baneen s.a.
VIEW WRITE UP

Ghame mohsin me ro ro kar tadapna poochh zehra se. ( By Naushad Bijani in BazmeShoara )

04/02/2020

Ghame mohsin me ro ro kar tadapna poochh zehra se.
VIEW WRITE UP

Zaalimo ne hai looti bahaare batool ( By Naushad Bijani in MaddaeAaleAba )

29/01/2020

Zaalimo ne hai looti bahaare batool
VIEW WRITE UP

Hai ibaadat dekhna ulfat se chehra baap ka. ( By Naushad Bijani in Valedayn )

17/06/2019

Hai ibaadat dekhna ulfat se chehra baap ka.
VIEW WRITE UP