Navshad Bijani
Dee'n ko tahaffuz mil raha hai aabide beemaar se.
Darte hai dushman aaj bhi zanjeer ki jhankaar se
Milta hai ham ko yeh sabaq bhi misame tammar se.
Zikre ali karte raho karna pade gar daar se
Pushte aza par aaj bhi deene nabi ho kar savaar.
Saare jaha'n me failta hai barq ki raftaar se
Parcham utha kar haath me tum hazrate abbas ka.
Kya hai wafa seekho zara dee'n ke alambardaar se.
Sajda khuda ka tha magar dil me ali ka ishq tha.
Aai sada e ya ali fir aalame anwaar se
Raahib ko de awlaad or kar de malak ko par ata.
Ham maangte hai is liye sab kuchh shahe abraar se
Sajde me sheh ne sar kata kar deen ko di hai hayaat.
Dunya me deene mustafa faila nahi talwaar se
Haidar ke dar ko chhor kar toofaan me jo gaye.
Saahil talak palte nahi woh aaj bhi majdhaar se
Imaa'n me thi uske khiza'n hargiz bahaar aai nahi.
Jo qurbe gul me reh ke karte the mohabbat khaar se.
Kehte hai jo kaafir unhe paale hai jisne ambiya.
Ummid kya ho deen ko Navshad us gaddae se
Navshad Bijani