Naushad Bijani

Mil gai usko bulandi dar ali ka choom kar.
Kyu na chamke fir ali ka dar sitaara choom kar.

Milta hai bin maage sab dar se tumhaare ya husain.
Tha ye fitrus ka qaseeda sheh ka jhoola choom kar.

Meri aankhoN se bahe farshe aza par ashk or.
Ban gaye gauhar woh sab roomaale zehra choom kar.

Di sada takrake yeh faulaad se bhi sakht hai.
Tooti jab nauke sina akbar ka seena choom kar.

Tere dam se aaj dunya me hai mera bhi wajood.
Kehta hai kaaba bhi yu sarwar ka rauza choom kar.

Kuchh nahi hai haysiyat jannat ki iske saamne.
Faatema ka dar sada kehti thi fizza choom kar.

Jhoomte hai zikre haidar sunke yuN ehle wila.
Jayse palte ho woh kausar ka kinaara choom kar.

Hashr tak sadqa hai ab yeh asghare besheer ka.
Is liye khaata hu mai har ayk daana choom kar

Roze mehshar bil yaqeeN Naushad woh pachhtaenge.
Jisne loota hai fidaq ko takhte dunya choom kar.

Naushad Bijani
2019-11-10
+46 704 852 187
 

---

---

---

Jafarali Jafar dehradun
Aayi hai baade Saba dar karbala ka choomkar
Ghar mera mehka rahi hai kona kona choomkar
                      
Tu bachayega bhanwar se kashtiye deene khuda
Keh rahe the mustufa ye shah ka maatha choomkar
                    
Do jaha'n se aala hai azmat nabi ki aal ki
Jhoomta hai khud dare zehra ko tara choomkar
                     
Mai to hoo'n aazad karda hazrate shabbir ka
tha ye fitrus ka qaseeda  sheh ka jhoola choom kar

Aap gar karte ishara Mai chala aata waha'n
Kehta tha Abbas ke qadmo ko Dariya choomkar
                   
Khidmate Mehdi me lene aa gai kuch machliya'n
Jab ariza maine dariya me bahaya choomkar

Aati hai Khusboo dahan se aaj tak Jafar mere
Aaya tha shabbir ka qismat se Roza choomkar
Jafarali Jafar dehradun
2019-11-10