Ghame mohsin me ro ro kar tadapna poochh zehra se.
Naushad Bijani
Badan par jalte darwaaze ka girna poochh zehra se.
Tamaacha khaake zere dar tadapna poochh zehra se.
Shikasta pehlu hona paara paara pasliyaN hona.
Nabi ke baae yeh sab zulm sehna poochh zehra se.
Rakha tha payrahan bacche ka seekar dekhkar usko.
Ghame mohsin me ro ro kar tadapna poochh zehra se.
BayaN apni musibar marsiye me ki hai zehra ne.
Kabhi *subbat alayya* ka khulaasa poochh zehra se.
Hamesha jaake *baytul huzn* me baaba pe ro ro kar.
Jigar ka khoon aankhoN se bahaana poochh zehra se.
Rahi zinda nabi ke baad chand ayyam dunya me.
Magar kis tarh woh guzra zamaana poochh zehra se.
Sitam aghyaar ke seh kar na shauhar se kiya shikva.
Ali se zakhm har apna chhupaana poochh zehra se.
Sadaaqat aur ismat aaj tak hai mehve gham Naushad.
Talab darbaar me haq apna karna poochh zehra se
Naushad Bijani
+704 852 187