Tarhi misra in bazme shoara.
Jhuka kar apna sar aansoo bahana pochho Abid se
1-Shaker sayyadi
2-Sajjad Haider naqvi
3-Bober Nawab, Madrasi
4-Jafar Ali* Dehradun
5-Imraan Sandhawali
6-Naushad Bijani
7-Sibtain Sayyadi
1
DUBOYA KISNE AHMAD KA SAFEENA POOCHO ABID SE,,,,,,
JALAYA KIS NE ABID KA BICHONA POOCHO ABID SE,,,,,
▪️▪️▪️▪️▪️
BOHATH KOSHISH KI GHASH SE NAATVAAN ABID NE UTHNE KI,,,,,
SADA HALMIN KI SUNTE HI TADAPNA POOCHO ABID SE,,,,,
▪️▪️▪️▪️▪️
AZIYYATH HAR TARAH KI DE RAHE HAI RAAH ME AADA,,,,,
WO ZAKHMI PAAWON SE KAANTON PA CHALNA POOCHO ABID SE,,,,,
▪️▪️▪️▪️▪️
PIDAR BHAI CHACHA BESHEER KE NAIZE PE SAR DEKHE,,,,,
NA DEKHA HAI SARE ZAINAB BA RAHNA POOCHO ABID SE,,,,,
▪️▪️▪️▪️▪️
BAREHNA SHAAM KE BAAZAAR AUR KUFE KI GALIYON SE,,,,,
PHUPI MAA BAHNO KO LEKAR GUZARNA POOCHO ABID SE,,,,,
▪️▪️▪️▪️▪️
JALA KURTA CHINE GOUHAR MILA PURSA TAMANCHON SE,,,,,
SAHA KAISE SAKINA KA WO RONA POOCHO ABID SE,,,,,
▪️▪️▪️▪️▪️
KALEJE SE LAGA KAR LAASH KO LAATE HAI DAFNANE,,,,,
LAHED ME ZAKHMI BACHI KO SULAANA POOCHO ABID SE,,,,,
▪️▪️▪️▪️▪️
KHUDA KI IZNE SE AAKAR SABHI LAASHON KO DAFNA KAR,,,,,
JHUKA KAR APNA SAR ANSOO BAHAANA POOCHO ABID SE,,,,,
▪️▪️▪️▪️▪️
SAWAAL AISA HUA HAI SAYYADI KUNBE KO LUTWAKAR,,,,,
WO KAISE AAGAYE ZINDA MADINA POOCHO ABID SE,,,,,,
▪️▪️▪️▪️▪️▪️▪️▪️▪️▪️▪️▪️
Shaker sayyadi
2
Nabi ki aal or zalim zamana pochho Abid se
Sitamgaaro'n ka hay zulm dhana pochho Abid se
Chala hai kaafila bewo'n ka sue Shaam maqtal se
Rasan basta Yatimo'n ko phirana pochho Abid se
Fugaa'n karte the bachhe jis ghadi naako'n se gir gir kar
To zalim marte the taaziyana pochho Abid se
Janab e Zainab o Kulsoom ke sar par na chadar thi
Haya se chehra baalo'n se chupana pochho Abid se
Dil e Zainab pe kya guzri kaha jab Shimr ne aakar
Bhare darbaar qaidi ban ke jana pochho Abid se
Hai din ki dhoop shab ki ous or seheme hue bachhe
Aziyat se bhara tha qaid khana pochho Abid se
Sakina puchti thi kab madeene jaayenge Bhai
Jhuka kar apna sar aansoo bahana pochho Abid se
Tadap kar yaad karke baap ko jab marr gai bachhi
Behen ki qaid Mai turbat banana pochho Abid se
Masayab ho baya'n kese bhala beemar ke Sajjad
Dayare Shaam o kuffa dukh uthana pochho Abid se.
Sajjad Haider naqvi
3
*Pahanna Towq O Bedi Ghar Lutana Poocho Abid Se*
*" Jhukaakar Apna Sar Aansu Bahaana Poocho Abid Se "*
*Azeez O Aqroba ke Laashen They Bikhre Pade Run me*
*Bina Dafnaaye Unko Chor Aana Poocho Abid Se*
*Dikhaakar Pyas ki Shiddat me Mashkiza Sakina Ko*
*Shaqi ka Ret Par Pani Bahana Poocho Abid Se*
*Ali ki Dushmani me Kaise Zalim ne Liya Badla*
*Banaakar Aale Ahmad ko Nashaana Poocho Abid Se*
*Sare Sarwar Na Aage Raah me Badta Toh Zalim Ne*
*Lagaaya Kaise Aakar Taaziyaana Poocho Abid Se*
*Sakina Ko Kisi Ne Aake Maanga Jab Kaneezi me*
*“Usey Bahlaake Seene Se Lagaana Poocho Abid Se ”*
*Rasan me Baandhkar Sar Nange Namoose Payambar ko*
*Wo Bazaron Me Zalim ka Phiraana Pooho Abid se*
*Sakina Margayin Zindaan me Jab Sahke Har Eeza*
*Bahan ki Qabr Gurbat me Banaana Poocho Abid Se*
*Bober Gar Yaad Aa jaye Pidar ki Pyaas Aur Gurbat*
*Tadapkar Farsh Majlis ka Bichaana Poocho Abid Se*
Bober Nawab, Madrasi
4
Lutakar apna ghar dee'n ko bachana poochho Aabid se
Khuda ko haale dil apna sunana poochho Aabid se
Koi ansaar na baqi bacha jab Roze Aashura
Gala bhi Kat gaya shahe huda tab Roze Aashura
Sitamgaro'n ka phir khaime jalana poochho Aabid se
Jalaye khaime jo zalim ne tha ek hashr ka manzar
Ghire the aag me ahle haram aur Aabide muztar
Phuphi Zainab ka sholo'n se bachana poochho Aabid se
Phuphi aur maao bahno ke saro'n se chhin gayi chadar
Laee'n ahle haram ko maarte hain durre rah rah kar
Wo zakhmi pusht thi aur taaziyana poochho Aabid se
Sina ki nok per sarwar ka sar rukta nahi Haye
Chala Zalim Ye kahkar hath me durre ko lahraye
Sare mazloom ke aage na badhna poochho Aabid Se
Hussain ibne Ali ka sar huwa goya kaha rokar
Sakina gir gayi pushte shutar se Haye reti per
Waha'n per zakhmi hai baali Sakina poochho Aabid se
Rasan basta hain Haye bibiya'n kaise sukoo'n paaye'n
Khule sar sham ke bazaar me kaise bhala jaaye'n
Bhare darbaar me phuphio'n ka jaana poochho Aabid se
Gale me tauq thi aur aahini bedi thi paao'n me
Kahi'n tapti thi reti aur kahi'n kaante the raaho'n me
Magar sajde me phir bhi sar jhukana poochho Aabid se
Hazaro'n paayi musibat mere Maula ne aye Jafar
Shariyat ko bachaya mustufa ki mushkile seh kar
Jhuka kar apna sar aansu bahana poochho Aabid se
Jafar Ali Dehradun
5
Sitamgaaron ka har lamha sataana poochho aabid se
Aseeree me barehna sar phirana poochho aabid se
Tardpkar margayi zindaan me jab dukhtare sarwar
Behen ki laash ko tanha utthana poochho aabid se
Imraan Sandhawali
6
Pahan kar bediyaN ran se guzarna poochho Abid se.
Tadap kar dekhna baaba ka laasha poochho Abid se.
Firate the sitamgar berida ehle haram ko tab.
Jhuka kar apna sar aansoo bahaana poochho Abid se.
Pahan kar langaro zanjeer, tauq or bediya tap me
Ada kayse kiya jaata hai sajda poochho Abid se.
Sakeena god me shabbeer ka sar le ke yeh boli.
Sitam toote hai kya kya mujh pe baaba poochho Abid se.
Ghame sarwar me rone or rulaane vaaloN ka *Naushad*
JahaN me martaba kitna hai aala poochho Abid se.
Naushad Bijani
7
Qud apne hatho'n se shaahe huda ka poochho Aabid se
Bala ke dasht me turbat banana poochho Aabid se
Har ek pal yaad kar ke shaam ke bazaar ka manzar
Jhuka kar apna sar Aansoo bahaana poochho Aabid se
Bade hi pyas ke Aalam me Pani ko Sitamgar ka
Dikha kar binte sarwar ko bahaana poochho Aabid se
Pidar ki yaad me subho masa bali sakina ka
Andere qaid khane me tadapna poochho Aabid se
Pahen kar hathkadi hatho'n me tauqe qaar gardan me
Bahen ki laash hatho'n par uthana poochho Aabid se
Ri,haai pake zinda,n se chale ahle haram "Sibtain"
Sakina ke bina kaisa tha jaana poochho Aabid se
Sibtain Sayyadi
