بزم شعراء

BAZM-E-SHOARA
   
 

TARHI Misra
Ho BaHo  Ahmed e Mokhtar  Mohammed Baqir (a.s)



*Qafiya....... Mokhtar*

*Radeef......Mohammed Baqir*


Misra by
Janb Chaman Alipuri sahab





1. Janab Ghalibzama Mirza

*Ilm ke Saiyado Sardaar Mohammad Baqir.*
*Hilm me Haider e Karrar Mohammad Baqir.*
*Dekh ke kehte the "Ghalib" ye zamaane waale.*
*Hu ba hu Ahmed e Mukhtaar Mohammad Baqir.*
Ghalibzama Mirza




2. Janab Anees Abr

waris e hyder e karraar Muhammad Baqir(as)
hu ba hu Ahmed e mukhtaar(saw) Muhammad Baqir(as)

jehl se bar sar e paikaar rahe har lamha
ilm hai aapki talwaar Muhammad Baqir(as)

Sheh(as) ki qurbaniyaaN ta-hashr rahegi zinda,
Karbala ke haiN nigehdaar Muhammad Baqir(as)

Jehl phirta tha bada sir ko uthaaye lekin
aapne toda ye pindaar Muhammad Baqir(as)

kis tarah hashr me dikhlayega muh Ahmed(saw) ko
aapse hoga jo be-zaar Muhammad Baqir(as)

teen sooraj tere mehmaan bane karbobala
shah e deeN(as), Aabide e beemaar(as), Muhammad Baqir(as)

usko haq hai ke kahe maine Nabi(saw) ko dekha,
jo kare aapka deedaar Muhammad Baqir(as)

eyk jumbish se hi kham karde kamar dushman ki
aapka abruu e khamdaar Muhammad Baqir(as)

aapki shaan me phuloN se saja laya huN,
toote phoote ye kuchh ashaar Muhammad Baqir(as)

ilm ki dijiyoN khairaat har ik momin ko
ilteja karta huN sarkaar Muhammad Baqir(as)

khun roti huwi Sajjad(as) ki aankoN ne kaha
haiN shah e deeN ke azadaar Muhammad Baqir(as)

aapke chahnewaale sada aabaad rahe,
na kisi gam se ho do-chaar Muhammad Baqir(as)

aapki nasl se haiN aapke hamnaam hai jo
jald aa jaaye wo sardaar Muhammad Baqir(as)

Abr ke khaame se aane lage khusboo e sana
fikr ka dasht ho gulzaar Muhammad Baqir(as)
Anees Abr





3. Janab Rizwan Karbalayi

DEENE AHMAD KE MADADGAAR MOHAMMAD BAKIR
KUFR KE WASTE TALWAAR MOHAMMAD BAKIR

AY MERE MALIKO MUKHTAAR MOHAMMAD BAKIR
TUM PE KURBAAN ME SO BAAR MOHAMMAD BAKIR

KAR KE HAKIM KO GIRAFTAAR MOHAMMAD BAKIR
DHA GAYE ZULM KI SARKAAR MOHAMMAD BAKIR

QAID ME REH KE BHI HAR WAQT KHILAFE BATIL
SABR SE KARTE RAHE WAAR MOHAMMAD BAKIR

AAPKE BABA NE MIMBUR PE QADAM RAKHKHA HAI
HOGA AB HASR NAMUDAAR MOHAMMAD BAKIR

ILM KI SHAKL ME BU JEHL KI OULAADO PAR
CHALTI HAI AAPKI TALWAAR MOHAMMAD BAKIR 

WAQT KE MARHABO ANTAR KI KAMAR TODENGE
WAQT KE HAIDERE KARRAR MOHAMMAD BAKIR

ROZe MEHSHAR TUMHE MIL JAYEGI TAGDI KEEMAT
ASHQE GAM KE HAIN KHARIDAAR MOHAMMAD BAKIR

AAP KE REHTE JAHANNUM ME NAHI JAA SAKTA
AK BHI SHEH KA AZADAR MOHAMMAD BAKIR

AAP SE UNKI WAFADARI KI UMMID NAHI
JIN KE AJDAD THE GADDAR MOHAMMAD BAKIR

BAABE FIRDOS KI PESHANI PE YE LIKH'KHA HAI
BAAGE JANNAT KE HAIN SARDAAR MOHAMMAD BAKIR

AASHIKE HAIDERE KARRAR KE HAR DUSHMAN KO
KAR DO DUNIYA SE TADIPAAR MOHAMMAD BAKIR

AAP KO CHODA TO PASTI ME CHALA JAUNGA
HU MAI ITNA TO SAMAJDAAR MOHAMMAD BAKIR

AASMA WALE BHI SUN'NE KE LIYE BAITHE HAIN
AAPKI SHAAN ME ASH'AAR MOHAMMAD BAKIR 

AAP KI DADI KA DAR WO HAI JAHA PAR AA KAR
THAM GYI MOUT KI RAFTAAR MOHAMMAD BAKIR

HAKIME SHAM KI BAIYYAT KA GALA KAAT GAYA
AAPKE DADA KA INQAAR MOHAMMAD BAKIR

HAM HAIN JANNAT KE DHANI HAM SE ADAWAT N KARO
KAR GAYE SAB KO KHABARDAAR MOHMMAD BAKIR

AAPKI MAD'H KA KIS TARHA KARENGE HAQ ADA
HAM KAHA ITNE SAMAJDAAR MOHAMMAD BAKIR

AAJ YE KEH KE DO AABID KO MUBARAK BAADI
HU B HU AHMADE MUKHTAAR MOHAMMAD BAKIR

CHAHNE WALO KI NUSRAT KE LIYE AY RIZWA'N
HAR GHADI REHTE HAIN TAYYAR MOHAMMAD BAKIR
RIZWAN KARBALAI





4. Janab raheman ali Chaudhary

Kufr ke liye hai talvaar mohammad baqir*
*Deen ke paanchve sardaar mohammad baqir*

*Gaud me leke ali ibne shahe deen bole*
*Hu ba hu ahmade mukhtar mohammad baqir*
Raheman ali Chaudhary





5. Janab ASMEE Kanodari

Deen ka karne ko Parchar mohammad Baqir...
Aaye hai Panchve Sarkar mohmmad baqir...

shehr ilm khud hai muhammad to ali baab uske...
aur isi shehr ke saalaar muhammad baqir... 

Hai baqayya me Hasan, jafar o zahra bhi yahi...
Soye hai aabide beemar mohammad baqir...

Karne tameer mazaroN ki ay mere moula...
Jald bhejo koi sardar mohammad baqir...

Ilm ko apne samandar me dobokar moula...
Jehl ki todi hai deewar mohmmad baqir...

Misle baba hi woh dushman ko hara dete the...
Hai bahot sabr ka kohsaar mohamad baqir...

 *Qata bandh*
Khud se jabir ne KAHA Deke mohammad ka salaam... 
Hai mohammad ki hi guftaar Mohammed baqir..

Sun ke woh bol uthe lagte hai mujko moula...
*Hubhoo Ahmde Mukhtar Mohmmad baqir...*

Madhkhani ke liye baitha hai jab bhi asmee..
Bakshte hain use afkaar muhammad baqir.. 
ASMEE Kanodari






6. Janab Syed Ali Abbas Naqvi Faseeh

Aapse jisko hua pyaar mohammed baqir.
Uska dil hogaya zau baar mohammed baqir.
              
Gulshan e ismat o hikmat ke gulo'n ki saf me.
Saathwe'n aap hain sarkar mohammed baqir.
                
Aapke aane se khush syed e sajjad hain aur.
Shaad hain syed e abrar mohammed baqir.
               
Bole jabir ke salam aapko aay shahzaade.
Kah gaye ahmed e muhktar mohammed baqir.
               
Ilm se apne imarat ko jehl ki pal me.
Aapne kardiya mismaar mohammed baqir.






7. Janab Shahid Mirza

Deen e khaliq ke madadgaar Mohammed Baqir
Hu ba hu Ahmed e Muqtaar Mohammed Baqir

Munkashif deen e Mohammed ko jaha'n me karne
Ilm ke agaye sardaar Mohammed Baqir


Aapke naam ka hai koun o makaa'n me charcha 
Aapki chalti hai sarkar Mohammed Baqir

dekh ker kahte thay hasrath se pisar ko Abid 
Tujh pe qurbaan aye dildaar Mohammed Baqir

Aapki madho sana ke liye iss mehfil mein
Aaye hain Shah ke Azadaar Mohammed Baqir

Aapke  jad ki fazilat ko bayaa'n karti hai
Khana e kaba ki deewar Mohammed Baqir

Bole jaber se Nabi kehna salam usko mera
Aaye jab paanchwa sardaar Mohammed Baqir

Karbala mein ho ke ho sham mein ya kufa mein
Sabr tha aapka hathyaar Mohammed Baqir

Aapke qadmo'n pe sir apna rakhega shahid
Hoga jab aapka deedaar Mohammed Baqir
Ahmed Ali Shahid (Riyadh)






8. Janab Chaman Rahmati 

Likhne baitha houn Mai  Ashyaar  Mohammed Baqir..
Fikr ko kijiye Bedaar  Mohammed Baqir..

Ay mere Syed-o-Sardaar   Mohammed Baqir..
Do jahan'oun ke hain Mukhtar  Mohammed Baqir..

Phool muskaaye, Chaman mehka, Fizaa'ien boli,, 
Aagaye Panch'vien Sarkaar  Mohammed Baqir..

Sajda-e-Shukr  baja laake ye Aabid ne kaha,
Aap Khudrat ka hain shehkaar  Mohammed Baqir..

Surat  o Seerat  o Kirdaar o Amal may dekho,,
Ho baho Ahmed e Mukhtar  Mohammed Baqir..

Aap ke ilm-o-kamalaat ke asjaar  sabhi,,
Hain zamaney may samarbaar  Mohammed Baqir..

Aap Qhatray ko ager chahien samandaar kardien, 
Aut muflis bhi ho zarr-daar  Mohammed Baqir..

Aapke saamney khamosh khaday daykhay hain,
Haakim e Waqt kayien baar  Mohammed Baqir..

Deen-e-islaam bachane ke liye karbal may,,
Aap qhurbaa'n kiye Ghar- baar  Mohammed Baqir..

Kis liye qhouf ho tarik-e-marqhad ka Chaman.. 
Aapka hoga Jo deedaar  Mohammed Baqir..
CHAMAN  REHMATHI..






9. Janab kaamyaab kaami (kakoshi)

Mere Ban jao Madadghar mohammad baqir..
Mujko de do koi afkaar Mohammad baqir..

Diya hai dada ne sar bap ne bedi pehni... 
Gaye ho aap bhi darbar Mohammad baqir..

Teri aamad pe saji duniya hai dulhan ki tarah... 
Hai khushi ka yahi tyohaar mohammad baqir..

Mazaar jab bhi baqqya me banega moula...
Chalke aayenge azadaar mohmmad baqir...

Thak gaya zulm bhi ab to hai woh Gutne teke...
Aap hai sabr ka kohsaar Mohammed baqir...

Khuda ne aapko KYa khub hai izzat bakhshi...
Hu bahu ahemad e mukhtar mohammad baqir...

Khun shabeer pe Rote hai mussalle pe sada
Ek hai Aabid e beemar mohammad baqir...

Har gadi "kaami" PE moula ye Karam hota rahe...
Mai likhu aapke ashaar Mohammad baqir...
Kamiyab Ali "kaami" (kakoshi)






10. Janab mir Navab bober

*WARISE SAYYADE ABRAAR MOHAMMAD BAQAR*
*TUM HO SAJJAAD KE DILDAAR MOHAMMAD BAQAR*

*AAP KI DAHR ME TAARERQE VILADAT HAI QAREEB*
*LIKTA HAI HAR KOYI ASH'AAR MOHAMMAD BAQAR*

*ISLIYE AAP HAIN MASH'HOOR BOHOT AAP ME EUN*
*ILM KI TEZ HAI RAFTAAR MOHAMMAD BAQAR*

*APNE BACHPAN SE KIYA KARTE HAIN SAB AHLE VILA*
*AAP SE ISHQ KA IZHAAR MOHAMMAD BAQAR*

*JAHL KO DOOR KIYA DAUR ME APNE TUMNE*
*BHOOLENGE KAISE YE UPKAAR*

*ZIKR KISTARHA ZABAA'N SE HO KE OONCHA HAI BOHOT*
*AAP KE ILM KA MEYAAR MOHAMMAD BAQAR*

*DEEN KI AAP BHI KARTE RAHE BEHAD TABLEEG*
*"HOOBAHU AHMADE MUQTAAR MOHAMMAD BAQAR"*

*AAP KE BABA NE BUS SABR SE AUR HIMMAT SE*
*KARDIYA ZULM KO MISMAAR MOHAMMAD BAQAR*

*ILMO HIKMAT SE KIYA TUMNE ZAMANA ROWSHAN*
*ISLIYE LOG HAIN BEDAAR MOHAMMAD BAQAR*

*HUM NA CHORENGE KABHI AAP KE DAR KO MOULA*
*CHAAHE HUMPAR CHALE TALWAAR MOHAMMAD BAQAR*

*BAQSHWAYENGE HAME KARKE SIFARISH JAD SE*
*KAHTE HAIN SAARE AZADAAR MOHAMMAD BAQAR*

*ZARYE JABIR KE TUME BHEJA HAI AHMAD NE SALAAM*
*HO TUM IS AZM KE HUQDAAR MOHAMMAD BAQAR*

*MAANGNE AATI HAI DUNYA HI TUMARE DAR PAR*
*TUM BHI HO KUL KE MADADGAAR MOHAMMAD BAQAR*

*AAPKI QABR KO AB PHIRSE BANAANE KE LIYE*
*AAYEGA AAQRI SARKAAR MOHAMMAD BAQAR*

*ILM KI BHEEK BOBER LENE TUMHARE DAR SE*
*KAB SE BAITHA HAI WO TAYYAAR MOHAMMAD BAQAR*
MIR BOBER ALI
( BOBER NAWAB, MADRASI )






11. Janab saif Kanodari

*Dada hai haider e karrar mohammad bakir*
*Farzand e abid e beemaar mohammad bakir*
 
*Apne akhlaq se karte the woh dushman pa fateh*
*Hu bahu ahmed e mukhtar mohammad bakir*

*Apne dada ke liye subh o masa rote the*
*Aise hote the woh ghamkhwar mohammad bakir*

*Sabr karte hai musibat me misale aabid*
*Aisa hai aapka kirdaar mohammad bakir*

*Parda e gaib se aayega tumhara beta*
*Hogi insaf ki sarkaar mohammad bakir*

*Jab banayega haram aap ka moula mehdi*
*Tab sajega Tera darbar mohammad bakir*

*Likh raha hu mai teri manqbat ke nazraane*
*Saif ka tu hai madadghar mohammad bakir*
Saif sunasara






12. Janab Paikar Jalalpuri

ثانٸی حیدرِ کرار محمد باقر 
مومنوں کے ہیں مددگار محمد باقر 


فرشِ مجلس پہ سدا علم کی باتیں کرنا 
شہ کے پہلے ہیں عزادار محمد باقر 


نام احمد کا علی کی ہے شجاعت پاٸی 
علم و حکمت کی ہیں دیوار محمد باقر 


آپ کی مدح و ثنا کیسے کروں اے مولا 
ہو کرم آپ کا سرکار محمد باقر 


آٸے آغوشِ امامت میں تو بولے عابد 
*ہو بہو احمدِ مختار محمد باقر* 


آپکے بابا سے ہے شام کا حاکم ہارا 
سن کے زنجیر کی جھنکار محمد باقر 


کربلا کا ہے ابھی نام لیا ذاکر نے 
اشک آنکھوں پہ ہے تیار محمد باقر 


بہہ کے آنکھوں سے کہاں پر یہ بنےگا گوہر 
ہے مرا اشک سمجھدار محمد باقر 


پھر تو آرام سے میں سوٸے جناں تک جاٶں 
حر سا بن جاٸے جو کردار محمد باقر 


کر نا پا ٸیگا ثنا آپ کی پیکر مولا 
علم سے کر دو خبردار محمد باقر 

Sani e haidar e karrar mohammad bakir 
momino ke hain madadgaar mohammad bakir 


Frsh e majlish pe sada ilm ki baate.n karna 
Sah ke pahle hain azadaar mohammad bakir 


Naam ahmad ka ali ki hai sujaat payi 
ilm o hikmat ki hain diwaar mohammad bakir 


Aapki mad ho sana kaise karu ay maula 
Ho karam aapka sarkaar mohammad bakir 


Aaye aagosh e imamat me to bole aabid 
*hu ba hu ahmad e mukhtaar mohammad bakir* 


aapke baba se hai shaam ka hakim hara 
Sun ke zanjeer ki jhankaar mohammad bakir 


Karbala ka hai abhi naam liya zakir ne 
ashk aankho.n pe hain tayyar mohammad bakir 


Bah ke aankho.n se kahan par yeh banega gohar 
hai mera ashk samajhdaar mohammad bakir 



Fir to aaram se mai suye jina tak jaavo 
hur sa ban jaay jo kirdaar mohammad bakir 


Kar na payega sana aapki paikar maula 
Ilm se kar do khabardaar mohammad bakir 
(پیکر جلالپوری) 






13. Janab Altaf Maroofi

Daman e waqt me gunjaish nhi rahi lehaza
*Misra e hazera pr filbadeeh chand tootr foote Ash,Aar*

Fikr hai hai ap se darkaar Mohammad Baqir
Taki main likh sakuN ash,Aar Mohammad Baqir


Kam se kam Qalb mera misl e Farazdaq ho jaye
To karuN jur,ate izhar Mohammad Baqir


Ap ki shaan bayaN mujh se nahi ho sakti
Chahiye Meesam e Tammar Mohammad Baqir


Ap shaafi bhi hain Shaafe bhi hain Mukhtar bhi hain 
Aur main Bekas o lachaar Mohammad Baqir
Altaf Haidari Maroofi





14. Navshad Bijani

Ay mere sayyado sardaar Mohammad Baqir. (a.s.)
Aap hain mere madadgaar Mohammad Baqir. (a.s.)

Mere maula mai gunaahgaar hu, lekin tum se.
Bakhshisho ka hu talabgaar Mohammad Baqir. (a.s.)

Noore imaa'n se ise aap munawwar kar do.
Nafs yeh mera hai beemaar Mohammad Baqir. (a.s.)

Muntazir aap ka manjdhaar me hu mai maula.
Bayth ke kashti me laachaar Mohammad Baqir. (a.s.)

Yeh bhi Navshad pe kar dena karam waqte qaza.
Aap dena use deedaar Mohammad Baqir. (a.s.)
Navshad Bijani







15. Janab Mansoor Raza Jafri
  
   Deene khaliq k nigehdaar Mohammed Baqir
    Warise Ahmede Mukhtaar Mohammed Baqir

   Naam mera bhi sana khwano,n Shamil rakhna
   jab saje aapka Darbar Mohammed Baqir

    Kabae ilm ka Mehrab Ali  hai,n Dekho
   Kabae ilm ka Meenar Mohammed Baqir
   
     Hai yaqee,n sahile ummeed pe pahoncho,n ga mai,n
   Nakhuda Hai,n mere  Sarkar Mohammed Baqir

     Chahe jis rukh se bhi dekho  ge nazar aae,n ge
   Hobaho Ahmade Mukhtar Mohammed Baqir

     Gair bhi aap ki tazeem ko jhuk jate hai,n
   Dekh kr Aap ka kirdar Mohammad Baqir

    Q na Mansoor kare Aap ki midhat maula
     Aap hain madeh ke haqdaar Mohammed Baqir
    Mansoor Raza Jafri






16. Janab taher

DIN KE PANCH'VE SARDAR MOHAMMAD BAQIR
WARISE HAIDARE KARRAR MOHAMMED BAQIR

KIYA HAI ILM KA IZHAA'R MOHAMMAD BAQIR.
HUBAHU AHMADE MUKHTAR MOHAMMAD BAQIR.






17. Janab Kaifi Kalkatwi

Aap hai'n haq ke tarafdaar mohammed baqir
Paanchwae'n haider e karraar mohammed baqir

Ilm o hikmat mei'n shuja'at mei'n aur danayi mei'n
Hu ba hu ahmed e mukhtar mohammed baqir

Hukm e khaliq se muqaabil mei'n sitamgaro'n ke
Le chale sabr ki talwaar mohammed baqir

Har qadam sath sakina ke rahe mushkil mei'n
You'n phupi ke hai'n wafadaar mohammed baqir

Dushmani jis ne rakhi aap se zehra ki qasam
Hai wohi deen ka gaddaar mohammed baqir

Jisne kham sar hai'n kiye apne teri chaukhat par
Hai'n wohi log samajhdaar mohammed baqir

Ye ataa aap ki ye lutf o karam aap ka hai
Ho gaye hai'n jo ye ashaar mohammed baqir
Kaifi kalkatwi






18. Janab Mukhtar Ali Malpara 

Ay shahenshaah mere sardaar Mohammad baaqir,
Dijiye thode se ash'aar Mohammad baaqir...

Deen-e-islaam ke salaar Mohammad baaqir, 
Hoobahoo ahmad-e-Mukhtar Mohammad baaqir...

Aap ke ilm ka charcha hai jahaañ mai ab tak,
Mere sarkaar, madadgaar  Mohammad baaqir...

Aap ke ilm se itna sa karam kar dena,
Sare gumraah ho deeñdaar Mohammad baaqir...

Aapki madh-o-sana aasi se Kya ho sakti, 
Gar n ho aap ka upkaar Mohammad baaqir...

De do 'Mukhtar" ko lafzo ka khazana mola,
Kar do upkaar ay dildaar Mohammad baaqir...
Mukhtar Ali A Malpara...