Naushad Bijani
Huvi us zulm se haaye teri zakhmi kamar zehra.
Giraya zaalimo ne haaye tujh pe jalta dar zehra
Teri turbat pe rote hai'n bikak kar khoon ke aanso.
Musibat par teri har dam imaame muntazar zehra
Yateemi chha gai hasnain or kulsoomo zainab par.
Zara rote huve baccho'n ki le lo tum khabar zehra.
Ali e mutaza sar peet kar yeh bayn karte hain.
Utha kar har museebat kar gai jag se safar zehra.
Tumhaare baad ay baaba sitam dhaati hai yeh ummat.
Baatao aap ay baaba ke jaaye ab kidhar zehra
Abhi bhi gumbade khizra me teri har musibat par.
Bahaate hain lahoo aankho shaahe behro-bar zehra.
Jo padti roze raushan par to kaali raat ho jaate.
Padi baade nabi aysi museebat aap par zehra
Khuraasa'n kaazmaino saamara karbobala koofa.
ki is ummat ne teri aal ko yu'n darbadar zehra
Shahaadat ho gai mohsin ki pehlu par gira jab dar.
Zamee'n par gir gai behosh hokar khoo'n me tar zehra
Judaai baap bete ki na seh paai nabi zaadi.
Yeh gham ayse the do jis par hai roi umr bhar zehra
Charinde or parinde mehve girya saath ho jaate.
Jo baytul huzn me roti sar apna peet kar zehra.
Rahi mehve fughaa'n *subbat alayya* umr bhar keh kar.
Mohammad ki lahad par thaam kar apna jigar zehra
Tumhaare laala ka Navshad hai ghamkhwaar dunya me.
Rahe us par sada tere karam ki ik nazar zehra.
Naushad Bijani
