Nahi inkaar ke har ghar se kaaba khubsoorat hai.
Magar kaaba se bhi sarwar ka rauza khubsoorat hai
Shahe abraar se par milte hi kehne laga fitrus.
Ke arsho kursi se sarwar ka joola khubsoorat hai
Huvi hai ambiya ki aankhe nam jis dasht me aakar.
Tabassum waN alisghar ka kitna khubsoorat hai
Na karna fakhr apne paani pe aly alkama hargiz.
Teri boondoN se ghaazi ka paseena khubsoorat hai
Falak ko cheer kar arshe bareeN se kyu na takraaye.
Dua me aale Ahmad ka waseela khubsoorat hai
Nabuwwat misr ke baazaar yoosuf bhi tole.
Ali ka naam jisme ho woh palda khubsoorat hai.
Nawaasa pusht par aaya to tulaani huva sajda
Har ik sajde se naana ka yeh sajda khubsoorat hai.
Zamaana tazkera karta hai us roomaal ka ab tak.
Mila hurre jari ko sheh se tohfa khubsoorat hai
Ali ko dekh kar waqte kaza "Naushad" baali par.
Kaha maine bawaqte maut lamha khubsoorat hai
Naushad Bijani
+46 704 852 187