Naushad Bijani

JahaN par ijaara mohammad ka hai.
Yeh saara zamaana Mohammad ka hai

Lutaaya hai islaam par jisne ghar.
Woh pyaara navaasa Mohammad ka hai

Jo pahuchaade shiyo ko kausar talak.
Fakat woh safeena Mohammad ka hai

Hai kaabe se makka mozayyan magar.
Munawwar madeena Mohammad ka hai.

Hai leta jajaN se qamar apna noor.
Woh nooraani chehra Mohammad ka hai

Na tha jisme Ahmad ka  saaya koi.
Magar deeN pe saaya mohammad ka hai.

Yaqeenan shikasta diloN ke liye.
Hamesha sahaara Mohammad ka hai

Husaino hasan jayse do phool se.
GulistaN mahekta mohammad ka hai

Mohammad hai sajde me or psht par.
Savaar ik navaasa Mohammad ka hai

MusalmaaN pale jisjo khaakar sada.
Woh maale khadeeja Mohammad ka hai

Use zer imraan ne kar diya.
Bura jisne chaaha Mohammad ka hai

Fidaq to fakat Faatema ka hai haq.
Likh yeh navishta Mohammad ka hai.

Jo khaybar ke faateh ko khum me uthaaE
Woh mazboot shaana Mohammad ka hai

DuaaoN me Navshad ki har ghadi
Yaqeenan waseela Mohammad ka hai

Naushad Bijani. 2019-11-12
+46 704 852 187