Naushad Bijani

Ghame dunya ka batlado kinaara ya rasulallah. (s.a.w.)
Laga do paar ab mera safeena ya rasulallah. (s.a.w.)

Tahaarat ka hame ik de do qatra ya rasulallah. (s.a.w.)
Laqab hai aap ka yaseeno taaha ya rasulallah. (s.a.w.)

Ghulaamo par karo rehmat ka saaya rasulallah. (s.a.w.)
Ke ham ne aap ko maana hai aaqa ya rasulallah. (s.a.w.)

Suna hai aap dete hai hai karam ki bheek un sab ko.
Jo deta hai navaasoN ka waseela ya rasulallah. (s.a.w.)

Andheri qabr me aakar ujaala aap kar dena.
Lahad me chhorna mujhko na tanha ya rasulallah. (s.a.w.)

Rahe rehmat ka saaya aap ki us dam mere sar par.
Uthaaya jaaye jab mera janaaza ya rasulallah. (s.a.w.)

Karo yeh ilteja Navshad khidmat me Mohammad (s.a.w.) ki.
Qayaamat me shafaa'at meri karna ya rasulallah. (s.a.w.)
Naushad Bijani
+46 704 852 187
2019-11-14