Naushad Bijani
Qabool apni bhi ho ab to dua ya jaafare saadiq.
Karo har ayk ki haajat rawa ya Jaafare Saadiq.
Mai tum ko panjetan ka waasta deta hu ya maula.
Karo unka hame sadqa ata ya jaafre sadiq.
Ghira hai mushkilo me aap ka har chaahne vaala.
Madad sab ki karo behre khuda ya jaafre sadiq.
Tumhaare dar pe ham ban kar faqeer aaye hain ya maula.
Karam ki aaj kar do inteha ya jaafre sadiq.
Ghamo se muztarib hai qalb mera aaj dunya me.
Sukoone qalb kardo tum ata ya jaafre sadiq.
Khataae'n misle hur tum bakhsh do har ayk momin ki.
Tumhi ho maalike mulke baka ya jaafare sadiq.
Qubool ashke aza ham sab ke karlo ay mere aaqa.
ke tum ho waarise shaahe huda ya jaafare sadiq.
Mujhe ghayro ke dar se kuchh nahi lena zamaane me.
Mere dil me tumhari hai wila ya jaafre sadiq.
imaame sayysade sajjad ka hai waasta tum ko.
Mareezo'n ko ata kardo shifa ya jaafre sadiq.
Tasadduq ho ata ham ko husayn ibne ali ka bhi.
baraaye dee'n diya jisne gala ya jaafre sadiq.
Zaba'n se mai nahi dohra saka meri museebat ko.
aya'n hai aap par har maajra ya jaafare sadiq.
Pakad kar parchame abbas karte hain ahad ham sab
Karenge aap se hardam wafa ya jaafare sadiq.
Ho barkat kaarobaar o rizq me har ayk momin ke.
Ho har maqrooz ka qarza ada ya jaafre sadiq.
Rahe jo aap ki seerat pe dunya me amal payra'n.
Na hoga hkhauf usko hashr ka ya jaafare sadiq.
Kisi dar par nahi jaate tumhaara chhorkar mai dar.
Tumhaara dar hai mera aasra ya jaafre sadiq.
Dua ho jaayegi sab ki qubool aaj aap ke dar par.
Aqeeda hai yahi *Navshad* ka ya jaafare sadiq.
Naushad Bijani
+46 704852 187
