Uski lahad me sham'a jalaate haiN panjetan.
Naushad Bijani
Tute dilo'n ki aas bandhate hain Panjetan
Bigde huwe naseeb banate hain Panjetan
Uljha agar kabhi bhi kisi mas'ale me mai
Mushkil ka meri hal bhi sujhate hain Panjetan
Dunya ki aandhiyoN se nahi lagta dar mujhe.
Kashti ko meri paar lagate'n hain Panjetan
Tu apni soch sheikh musibat ke waqt me
Ham ko to her bala se bachate hain Panjetan
Ulfat nabi aur aale nabi ki sada rahe
Baccho'n ko ham yu'n yaad karate hain Panjetan
Rozi bhi ho halal zehan bhi ho paak saaf
Tab jaake aise dil me samate hain Panjetan
Jafar na dekhi aesi Sakhawat khuda kasam
Qatil ko apne sheer pilaate hain Panjetan
Jafar Dehraduni
1. Insaniyat ka paath padate haiN Panjatan
Allah ko bashar se milate haiN Panjatan
Zulmat ko ham se door bhagate haiN Panjatan
Khulde bareeN ki raah dekhate haiN Panjatan
2. Farshe ghame Husain bichhawo kholus se
Khulde bareeN ko chhod ke aate haiN Panjatan
3. Man maat ki sanad liye dunya se jo gaye
Kausar ka jaam unko pilate haiN Panjatan
4. Rahib ki shakl me kabhi fitrus ki shakl me
Bigde huwe naseeb banate haiN Panjatan
5. Khud bhuke rahke auroN ko dete haiN rotiyaN
Is tarh apni bhook mitate haiN Panjatan
6. Apni zabaaN pe rakhna NAJAF Panjatan ka naam
Har hadese se Hamko bachate haiN Panjatan
Masoom Najaf Maroofi
*AADAAB ZINDAGI KE SIKHATE.N HE.N PANJETAN*
*GUMRAAHIYO.N SE HUM KO BACHATE.N HE.N PANJETAN*
*AADAM KI TAUBA ,NOOH KI KASHTI BHI HE GAWAAH*
*BIGDA HUVA NASEEB BANATE HE PANJETAN*
Muntazir sahab.
Zalim ke shar se dee'N ko bachate HaiN panjetan
Rahe khuda me sar ko katate HaiN panjetan
Khush hoke par ke milte hi Fitrus ne ye kaha
Bigde huve Naseeb banaate HaiN panjetan
Karte na Ehteraam jo khud walidain ka
Unko nazar se apni giraate HaiN panjatan
Taaza hai Gham abhi bhi Hussaine ghareeb ka
Jald Aake Farshe gham pe bathate HaiN panjatan
Saj kar na aawo tum kabhi majalis me dosto
Banke gareeb farsh pe Aate HaiN panjetan
Unki Nazar me Azmate Quraan dekhiye
Neza pe jake padke sunate HaiN panjetan
Dar par bulaake taare ko Saabit ye kardiya
Ye do Jahaa'n ko khud se chalaate hain panjatan
"Sibtain" karke pani se iftaar baakhuda
Bhoko'n ko apni roti khilate HaiN panjetan
Sibtain Sayyadi
Rashke falak zameeN ko banate hain panjtan
Lo chaadar e botool me aate hain panjtan
TeeroN se, barchiyoN se na khanjar na teg se
Chaadar se dushmanoN ko haraate haiN panjtan
inke dar e Azeem pe Aakar to dekhiye
Aaeena e hayaat sajaate haiN panjtan
Apni kaneez ko bhi ye kahte nahi kaneez
izzat se naam leke bulate haiN panjtan
Allah karne lagta hai Qur,aaN me tazkera
Fizza ko us maqaam pe laate haiN panjtan
Uski jagah sewaaye jahannam kahiN nahi
Mahfil se apni jisko uthaate haiN panjtan
Aadam ne ilm paya to be saakhta kaha
Bigde hue naseeb banate haiN panjtan
Zainab, Husain, Qasim o Akbar o Sheer khwar
Soorat me sab k sab Nazar Aate haiN panjtan
Thokar me apni rakhte hain ham takht o taaj ko
itna hame Ameer banate haiN panjtan
MASOOM apne ghar me hadees e kesa padho
Sunte haiN iske padhne se aate haiN panjtan
Masoom Haidari Maroofi
Hamd e khuda mei'n sher sunaate hai'n panjetan
Khaliq ki mehfilo'n ko sajaate hai'n panjetan
Khaliq ki kibriyayi ke mazder hai'n bas yehi
You'nhi nahi dilo'n mei'n samaate hai'n panjetan
Sabr o shuja se parde se amn o jihaad se
Rab ki riza pe sar ko jhukaate hai'n panjetan
Raazi khuda bhi hota hai inki adao'n per
Wada khuda se aese nibhaate hai'n panjetan
Imaa'n ke daswe'n darje pe salmaa'n bhi aa gaye
Rutba khuda se aesa dilaate hai'n panjetan
Jab bhi padi lahoo ki zaroorat hai deen ko
Be khauf apne khoo'n mei'n nahaate hai'n panjetan
Raahib ne Hur ne Qumbar o Fizza ne hai kaha
Bigde huwe naseeb banaate hai'n panjetan
Kaifi har ik qadam pe zamaane ki ba-raha
Insaniyat ko raah dikhaate hai'n panjetan
Kaifi Kalkatwi.
Jab bazm e iftekhaar me aate hain panjatan
Zehno.n ko kaardaar banaate hain panjatan
Deene khuda pa kar ke fida apni jaan ko
Aaeena e hayaat dikhaate hain panjatan
Hasnain maroofi
Bande ko kibriya se milate hain panjetan.
Qatre ko ek darya banate hain panjeta.
Aaye jo farshe gham me aameero gharib to.
Chote bade ka farq mitate hain panjetan.
Makhlooq e kibriya ki khuda ke jahaan me.
Mushkil kushaee ke liye aate hain panjetan.
Banke faqeer aaye jo dar pe falak nashi'n.
Roti bhi apni unko khilate hain panjetan.
Rahib ho hur ho qumber o fitrus ho ya koi.
Bigde naseeb sab ke banate hain panjetan.
Qambar kalkatvi.
Paigham e haq jhaaN ko sunaate haiN panjetan
Haqaaniyat ki rah dikhaate haiN panjetan
Inka wasilaa de ke dua rab se mangiye
Bigde huve naseeb banaate haiN panjetan
Imran Sandhawali
*YE MOJIZA ZAMEE PE DIKHAATE HAIN PANJATAN*
*ZARRON KO AAFTAAB BANAATE HAIN PANJATAN*
*SAR APNA UNKE DAR PE JHUKAYE AGAR KOYI*
*RUTBA JAHAA'N ME USKA BADHAATE HAIN PANJATAN*
*USKO LAGAAKE SEENE SE ROOMAAL BAANDHKAR*
*QISMAT BHI HUR KI PAL ME JAGAATE HAIN PANJATAN*
*GAR MUSHKILON ME JAB BHI BULAAYE KOYI UNEY*
*USKI MADAD KO GAIB SE AATE HAIN PANJATAN*
*DEKHI NA HOGI AISI SAQAAWAT JAHAAN ME*
*QAATIL KO APNE DOODH PILAATE HAIN PANJATAN*
*AAJAYE JAB BHI WAQT MUSEEBAT KA DEEN PAR*
*GHAR KO LUTAAKE USKO BACHAATE HAIN PANJATAN*
*SAR KATNE KI BHI FIKR NAHIN HOTI HAI UNEY*
*QUR'AAN NAIZE PAR BHI SUNAATE HAIN PANJATAN*
*TUKDE WO CHAND KE KAREY SOORAJ KO ROB SE*
*WAAPAS ISHAARA KARKE BULAATE HAIN PANJATAN*
*KARTE NAHIN PASAND KISI KO AGAR TOH PHIR*
*MAHFIL SE APNI USKO UTHAATE HAIN PANJATAN*
*MARZI KHUDA NE DEDI UNEY SAARI ISLIYE*
*KOUNAIN KA NIZAAM CHALAATE HAIN PANJATAN*
*INKI FAZEELATON ME HAI CHOTI SI EK MISAAL*
*ROOHUL AMEE'N KO DAR PE RUKAATE HAIN PANJATAN*
*CHALJAAYEGA PATA TUMHEY RAAHEB KO DEKHLO*
*" BIGDE HUVE NASEEB BANAATE HAIN PANJATAN "*
*INKI KARAAMATON KA KAREY ZIKR KYA BOBER*
*MURDE KO JAB KE PAL ME JILAATE HAIN PANHATAN*
MIR BOBER ALI
*Soya hova Zamir _Jagate hain_ PANJITAN*
*Rasta dekha ke Haq ka _Bachate hain_ PANJITAN*
*Choukhat pe inki sar ko jhuka'oun na kyoun CHAMAN*
*Bigde hove Naseeb _Banate hain_ PANJITAN*
*Dene Shikast Jhoot'oun ko _Jate hain_ PANJITAN*
*Sacche hain koun sab ko _Batate hain_ PANJITAN*
*Kehne lage Nassarah ye Maidaa'n se bhaag kar,*
*Karne Mubahile ko jo _Aaate hain_ PANJITAN*
CHAMAN REHMATHI
Kya ekhtiyar h ye btate hain panjetan
thokar se apni murde jilate hain panjetan
Kashti ko meri dr kisi tufaan ka nhi
Beda mera jo paar lgate hain panjetan
Likhkha hua h bugz ka chashma hta k dekh
Bigde hue naseeb bnate hain panjetan
Jis ki zubaN pa aaye musibat mai ya ali
Uski madad k waste aate hain panjetan
Rakhta h jo khayal sda waldain ka
Baage jina me usko bulate hain panjetan
Jo kr raha h dil se azadariye husain
Us ko musibato se bchate hain panjetan
Munkir hai jo wilaye ali or batool ka
Bs bazm se usi ko utahate hain panjetan
Hain bas inhi ke hath me allah ka nizam
jannat m jisko chahe bulate hain panjetan
Jab jab bhi mere ghar mai hadis e kisa hui
Mehman banke ghr mere aate hain panjetan
Zehra ki Kya bisaat jo ek harf bhi likhe
Wo likhti hu jo mujhko btate hain panjetan
Zehra Naqvi
IMDAAD KARNE KHULD SE AATE HAI PANJITAN
GIRTE HUWE BASHAR KO UTHAATE HAIN PANJETAN
TAFSEER KAR RAHA HU MAI IN PAANCH NAAM KI
BANDO KO APNE RAB SE MILAATE HAIN PANJETAN
MUSHKIL ME DOOBTI NAHIN KASHTI MERE KABHI
USKO BAWAR SE PAAR LAAGATE HAI PANJETAN
FARSHE AZA ME ITNI KASHISH HAI KE KYA KAHU
BAGHE JINA SE GETI PE AATE HAIN PANJETAN
TAFSEER KAR KE AAYTE KUR,AA KI DAM B DAM
KYA HAI KHUDA YE SAB KO BATATE HAIN PANJETAN
MAZLOOMO KA N SATH KABHI CHODNA YAHA
PAIGHAM KARBALA KA SUNAATE HAIN PANJETAN
BUGHZ O HASAD KO DIL SE NIKALO AY DOSTO
PAKIZA QALB ME HI SAMATE HAIN PANJETAN
MAYOOS TUM NA HONA AY SARKIL ZAMANE ME
BIGDE HUWE NASEEB BANNATE HAIN PANJETAN
Sarkil Nagri
9949104080
Sajde mein apne Sar ko katate hai panjetan
Khalik ki ye riza hai batate hai panjetan
Kitna hai ishq Rab se batate hai panjetan
Noke sina pa Qura`n sunate hai panjetan
Har ek bashar ki dekh lo bharte hai jholiyan
Badle mein usse aansu hi paate hai panjetan
Baitho aza ke Farsh pe aake Adab ke sath
Farsh e Gham e Hussain pe Aate hai panjetan
Jis ghar mein barpa hoti hai majlis hussain ki
Aise maqan ko khuld banate hai panjetan
Hurr janab e hussain ye kehta hua chala
Bigde huye Naseeb banate hai panjetan
Tatheer mein hi rehta hai us waqt khuda ka noor
Ek Ja simat ke jis ghadi aate hai panjetan
Sare jahan mein dekh lo qura`n ki shakl mein
Ilmo adab ka dars padhate hai panjetan
Dil mein basa ke apne Sada karbala chalo
Ye haq ka rasta hai dikhate hai panjetan
Haider wila e moula ali jinke dil mein ho
Khuld e bari mein unko bulate hai panjetan
Haider Sirsiwi
Ishq e khuda me jeena sikhaate hai'n panjetan..
Phir usko aftab banate hai'n panjetan..
Mushkil me Jo bhi leta hai mushkil kusha ka naam..
Imdad karne uski khud aate hai panjetan..
Raah e khuda me jaan lutane ke waste..
Qatil ko apne khud hi jagate hai'n panjetan..
Majlis ka waqt hone ka rehta hai intezar..
Farshe aza bichhao to aate hain panjetan..
Hyder Tu karle sajda dar e ahlebaith par..
Bighde huwe naseeb banate hai'n panjetan..
Abbas Hyder Nagri