Ji Nahi Sakti Bina Aap Ke Zahra Baba.

( By Bazm e Shoara

in BazmeShoara )
  • Name:
  • Section:
    BazmeShoara
  • Number of pages:
  • Date Added:
    14/02/2019
Ji Nahi Sakti Bina Aap Ke Zahra Baba.

1. Asghar Asmee
Jis jagah Aayate'N Utri Thi Waha Shole Hain.
Kis Qadar Jald Badalta Hai Zamana Baba.
Aise Zalim Hai Muslman Tere Yasrab Me.
Ji Nahi Sakti Bina Aap Ke Zahra Baba.
 


 
2. Gaazi Abbas Zainabi
Khabr e Sarwar pey ye Zehra ka tha giryaa baba
Hogayi my to Jawaani mey zayeefa baba
 
Aapke chaahney waaley kyu merey Dushman hai
Kuch to batlaayiye hai meri qataa kya baba
 
Ummati lakdiya aur durrey liye haatho'n mey
Deney aaye they mujhey aapka pursa baba
 
Jis jagaa'h aap kiyaa Karey they har Roz salaam
Darr wohii logo'n Ney aa aakey jalaaya baba
 
Aag jaltaa huwa ley aakey jalaaya mera Darr
Dekho kis tarha se badlaa hai Zamaana' baba
 
Usko haatho'n se merey cheenliye Baani e shar
Haqq mera aapney jo kehkey diyaa tha baba
 
Jiska Saaya bhi na Sooraj Ney kabhi dekha tha
Usko Haqq ke liye darbaar bulaaya baba
 
Kya isii waastey haatho'n ke merey choomtey they
Kya pataa tha tumhey khaaungi my durra baba ?
 
Bhoolkar bhi kabhi bhoola nahi jaata mujhsey
Rassiyaa'n gardan e hyder mey jakadna baba
 
Jaakey har Ghar pey wilaayat ki gawaahi maangi
Phir bhi koi na meri baat Ko maana baba
 
Beech deewaar ke aur Darr ke Sitam Aisa hua
Hogayi beti teri pehlu shikasta baba
 
Baithkar Karti hoon har Roz namaazey my adaa
Ab qayaamat hai mera seedhey theherna baba
 
Aapse moo Ko chupaaney ka sabab Matt poocho
Neel ruqsaar hai khaaney se tamaacha' baba
 
Jald dunya se bulaa leejiye paas apney mujhey
Jee nahi Sakti binaa aapke Zehra baba
 
Qabr e sarwar bhi larazney lagi us damm "GAAZI"
Jab kahaa' zehra Ney dekho Mera chehra baba
 

 
3. Navshad Bijani
Qabre Ahmad pe yeh zehra ka tha kehna baaba.
Mujh pe dhaate hai sitam ahle madeena baaba.
 
Koi ghamkhawaar nahi mera bhari dunya me.
Yaad me aap ki roti hu mai tanha baaba.
 
Ro nahi paai thi ji bhar ke abhi to tumko.
Aur mohsin ka bhi chhaya ghame taaza baaba
 
Saas bhi le na saka dehr me mera mohsin
Fat raha hai mera is gham se kaleja baaba
 
Pasliya'n tor ke meri kiya zakhmi pehlu.
Zere dar chhor diya mujh ko tadapta baaba.
 
Hai nisha'n zakhm ka rukhsaar pe ab tak mere.
Aysa zaalim ne mujhe maara tamaacha baaba.
 
Khul ke mai ro bhi nahi paati tumhaare gham me.
Rok bhi paati nahi haye mai rona baaba.
 
Haat me thaam ke chalti hu asa mai hardam.
Ho gai zulm ko seh ke mai zaeefa baaba.
 
Mujko ummid hai zehra yeh kahegi rokar.
Sonlo purdard yeh Navshad ka nauha baaba.
 


 
4. Taqi kazmi
Jitni jaldi ho mujhe pas bulana baba
 Ji nahi sakti Bina aapke Zahra baba
 
 Mere rone se paresha.n Hain musalmaan sabhi
 Khatm ab ho gye jine ke bhi imkaan sabhi*
 Aapki yaad me phat ta hai kaleja baba*
 
Aapke baad me ummat ye sitam dhati hai
 Tumpe roti hu to rone bhi nhi deti hai
 Kaise batlau mai Kya hal h Mera baba
 
Mera haq cheen ke darbar bulaya mujhko
 Ak zalim ne tamacha bhi lagaya mujhko
 Dil bht phut ke darbar me Roya baba
 
 Aapka bugz zamane ne nikala mujhse
 Jane kis jurm ka lete rhe badla mujhse
 Ab Sha jata nhi mujhse ye sadma baba
 
 Roz aajate hain ye log mujhe tadpane
 Kis tarha ke ye musalmaan Hain Allah jane
 Mai nabi zadi hu ak pal nahi Socha baba
 
Iski mehnat ka Sila hashr me dana isko
Khuld me apne jwahar me hi rakhna isko
 Ro ke likkha Hai taqi ne mera noha baba
 


 
5. Sibtayn Sayyadi
Chod kar mujko yaha Aap NA Jaana Baba
Ji Nahi Sakti Bina aap ke Zehra Baba
 
Mujko Har Waqt hi Zalim NE Sataya Baba
Haaye Dushwar Huwa Mera tho Jeena Baba
 
Pyaare Mohsin KE liye keth-Nethy dil me Arman
Usko Zalim NE mere khokh me Mara Baba
 
Jis se khushbu ye Nabi Aathi thi Usko Zaalim
Bhare Darbar ME Tehereer ko Phada Baba
 
Bad Dua Maine Na ki Sahti RAHI Zulmo Sitam
Sabr Bus Apki Ummat Ko  Dikhaya Baba
 
Chalthi hu thame huwe ab tho Aasa ke bal mai
Waqt se pehle huwi mai tho zayeefa baba
 
Yaad me aap ke rothi hu kabhi mohsin ke
Gham se pat tha hai mera ab tho kaleja baba
 
Bogz me aap ke zalim ne jalaya hai ghar
Hamela par bhi na wo Rehem dekhya baba
 
Khabre Ahmad PE ye Zahra ka Hai Nauha "Sibtain"
Hun Mai Atthaara Baras ME hi Zayeefa Baba
 


 
6. SHAKER SAYYADI
HOGAYI AAP KI FURQATH ME MAI TANHA BABA,,,,, 
JEE   NAHI  SAKTI  BINA  AAP  KE  ZAHRA  BABA,,,,,
 
ZULM ITNE HUE MUJH PAR MAI BATAWUN KAISE,,,,, 
BE HAYAA LOGON KE DARBAAR ME JAANA BABA,,,,, 
 
GAHR KA DARWAZA JALAKAR JO GIRAYA MUJH PAR,,,,, 
SAKHTH TAKLEEF  HUA  JISM  KA  JALNA  BABA,,,,, 
 
RASIYAN BANDH KE GARDAN ME ALI KO KHEENCHA,,,,
AAP  GAR  HOTE  THO  YE ZULM NA HOTA BABA,,,,, 
 
SAR KO GHUTNO ME DABA KAR JO ALI ROTHE HAI,,,,,
ITNA  MAZLOOM  ALI  KO THO NA  DEKHA  BABA,,,, 
 
ZAKHME ITNE DIYE MUJHKO YE TERI UMMATH NE,,,,, 
AB  SIYAH  RAATON  ME  BADLEGA  UJAALA BABA,,,,, 
 
MAI THO MARJAUNGI IS BAATH KA GHAM KOI NAHI,,,,,
KOUN  DEGA  MERE  BACHON  KO  DILAASA  BABA,,,,,
 
LAASHE MOHSIN KO LIYE JAUNGI JUB MEHSHAR ME,,,,,
MOULA MAHDI KO BATAVUNGI JO GUZRAA BABA,,,,, 
 
MERA  ALLAH  GAWAAH  HAI  KE  SITAM  HONE  PAR,,,,, 
MAI  ADAA  KARTI  RAHI  SHUKRE  KA  SAJDA  BABA,,,,, 
 
JUB LIKHA SAYYADI ZAHRA KE GHAMON KA NOUHA,,,,,
SUNKE  BE  HAAL  HUA  KHULD  ME  MERA  BABA,,,,,
 


 
7. Bober-navab
QABRE AHMAD PE YE ZAHRA KA THA NOWHA BABA
KARTI THI PEET KE SAR APNA WO GIRYA BABA
 
TAAB MUJME NAHIN JO SAHSAKUN ZALIM KE SITAM
DECHUKEY PAHLE SE HI ITNI WO EEZA BABA
 
PHAADKAR AAPKI TAHREER KO CHEENA MERA HUQ
MUJKO RONE NA DIYA ITNA SATAAYA BABA
               
GHARKO ISTARHA JALAAYA HAI SITAMGARON NE
CHOTE BACCHE HAIN MERE YE BHI NA SOCHA BABA
 
BAANDHKAR LEGAYE AB USKE GALEY ME RASSI.
AAP NE JISKO BANA RAKHA THA MOULA BABA
 
MUJPE JALTA HUVA DARWAZA GIRAAKAR ZALIM
MAARDAALA HAI SHIKAM ME MERA BACCHA BABA
 
ZAQM AISA HAI KE CHAL BHI NAHIN SAKTI HUN MAI
HAYE ATTHAARA BARAS ME HUN ZAYEEFA BABA
               
AAPKE PAAS BULALO YE KARAM MUJPE KARO
JI NAHIN SAKTI BINA AAPKE ZAHRA BABA
 
QABR THARRAYI PAYAMBAR KI USEE WAQT BOBER*
JAB WO KAHNE LAGI SAR PEET KE BABA BABA

Video

Latest Write Ups

Pada hai bekafan koofe me laasha haaye muslim ka. ( By Naushad Bijani in MaddaeAaleAba )

10/08/2019

shahadat Muslim bin Aqeel
VIEW WRITE UP

Hai ibaadat dekhna ulfat se chehra baap ka. ( By Naushad Bijani in Valedayn )

17/06/2019

Hai ibaadat dekhna ulfat se chehra baap ka.
VIEW WRITE UP

Sar dete na sabbeer to quraan na hota. ( By Naushad Bijani in MaddaeAaleAba )

11/06/2019

Sar dete na sabbeer to quraan na hota.
VIEW WRITE UP

Haq shafaa-at ka sheh ko haasil hai. ( By Naushad Bijani, Sibtain Sayyadi in MaddaeAaleAba )

11/06/2019

Haq shafaa-at ka sheh ko haasil hai.
VIEW WRITE UP

Girya kuna hai masjide koofa Ali Ali ( By Sibtain sayyadi in MaddaeAaleAba )

11/06/2019

Girya kuna hai masjide koofa Ali Ali
VIEW WRITE UP

Khoon me hai tar Amaama Haidre karrar ka ( By Sibtain sayyadi in MaddaeAaleAba )

11/06/2019

Khoon me hai tar Amaama Haidre karrar ka
VIEW WRITE UP

Uth raha hai ali ka janaaza ( By Sibtain sayyadi in MeesameTammar )

11/06/2019

Uth raha hai ali ka janaaza
VIEW WRITE UP

Sunke shabbeer ka naam aakho me aaya paani ( By Naushad Bijani, Sibtain Sayyadi in MaddaeAaleAba )

11/06/2019

Sunke shabbeer ka naam aakho me aaya paani
VIEW WRITE UP

Khatm hone ko hai Ramzaan khuda khayr kare ( By Naushad Bijani, Sibtain sayyadi in MeesameTammar )

11/06/2019

Khatm hone ko hai Ramzaan khuda khayr kare
VIEW WRITE UP

Tere dam se baaki hai quraan zainab. ( By Naushad Bijani in MaddaeAaleAba )

06/06/2019

Tere dam se baaki hai quraan zainab.
VIEW WRITE UP

Ji Nahi Sakti Bina Aap Ke Zahra Baba. ( By Bazm e Shoara in BazmeShoara )

14/02/2019

Ji Nahi Sakti Bina Aap Ke Zahra Baba.
VIEW WRITE UP