Naushad Bijani
Laila ki duaaoN ka sila faatema shugra. (s.a.)
Taskeene dile shaahe huda faatema shugra. (s.a.)
Hai khaas teri ham pe ata faatema shugra. (s.a.)
Ham kyuN na kare teri sana faatema shugra. (s.a.)
Deta hai waseela koi beemaar jo unka.
Unke liye karti hai dua faatema shugra. (s.a.)
Bhayya na bhula dena mujhe karbala jaa kar.
Akbar se yeh kehti thi sada faatema sughra. (s.a.)
Maasoom si muskaan se deti rahi hardam.
Kasre shahe zeeshaN ko ziya faatema shugra. (s.a.)
Akbar use hans hans ke mana lete hamesha.
Gar rooth ke ho jaati khafa faatema shugra. (s.a.)
Jsb nanhi thi to yeh bhi nahi soti thi hargiz.
Shabbeer ke seene ke siva faatema shugra. (s.a.)
HaathoN pe utha kar kabhi kaandhe bitha kar.
Farmaate yeh abbas chacha faatema shugra. (s.a.)
Deta hai waseela tera beemaar dua me.
Rutba yeh tujhe rab se mila faatema sughra. (s.a.)
Allah ka hai shukr ke "Naushad" ke sar par.
Hai daste karam tera sada faatema shugra. (s.a.)
Naushad Bijani
+46 704 852 187
