Naushad Bijani
ZameeN ka kon sa tukda hai jannat poochh Fizza se.
Na kar is baat par hargiz tu hayrat poochh Fizza se.
Bani hai khaadema zehra ki woh shaahi ko thukra kar.
Hai kitni keemati imaaN ki daulat poochh Fizza se.
Farishte bhi yahaN se rotiyaN le jaate hai aakar.
JahaaN me kon karta hai nizaamat poochh Fizza se.
Jise jannat ke sardaaro ne har dam mohtaram jaana.
Mila karti hai yeh sab kayse azmat poochh Fizza se.
Ata rab ne kiye dono jahaaN me kis ko yeh mansab.
Imaamat ya nabuvvat ya wilaayat poochh Fizza se.
Hai jin ke dam ab kat deene Ahmad dehr me zinda.
Nabi zaadi ki kya kya hai inaayat poochh Fizza se.
Rahi zinda woh jab tak baat ki qur'aaN ke lehje me.
Kalaame rab ki tu ik ayk aayat poochh Fizza se.
Inhe "Navshad" jhutlaayega woh jaayega dozakh me
Janaabe faatema ki tu sadaaqat poochh Fizza se.
Naushad Bijani
+46 704 852 187