Ghame shabbeer ke ashkoN ki qeenat aap kya jaane
Naushad Bijani
Hame bakhshi hai jo zaynab ne daulat aap kya jaane.
Aza ke farsh par karna ibaadat aap kya jaane
Kaha jaate huve hurre jari ne jaanibe sarwar.
Nazar aati hai mujhko raahe jannat aap kya jaane.
Sabhi sajde hai zaaya gar ali ka bughz hai dil me.
Ali ka ishq hai roohe ibaadat aap kya jaane
Mohammad ehterame faatema kar ke hai dikhlate.
Zamaane waalo yeh tarze risaalat aap kya jaane
Gai hai shaam ke darbaar tak iske liye zainab.
Huvi jo taalibe bay'at ki zillat aap kya jaane
Hai koi chain se sota to koi reh gaya rota.
Mohammad mustafa ka ramze hijrat aap kya jaane
Nazar jo ghayz se karde to darya khushk ho jaaye.
Wigha me chashme ghaazi ki haraarat aap kya jaane.
Aza ke dushmano al-mukhtasar bas jaanlo itna.
Hai mere ashk zehra ki amaanat aap kya jaane.
Sadaf roomale zehra ban ke dega shakl gauhar ki.
Ghame shabbeer ke ashkoN ki qeenat aap kya jaane.
Ali ke haath me khaybar ka parcham dekh kar Naushad.
Mili thi khaak me kis kis ki hasrat aap kya jaane
Naushad Bijani
+46 704 852 187
Sarkil Nagri
JAHA ME MIL GAYI MUJHKO BHI JANNAT AAP KYA JAANE
GHAME SHABBEER KE ASHKON KI QEEMAT AAP KYA JAANE
KIYA SHABEER NE TEERO KI BARISH ME ADA SAJDA
TAHE QANJAR HUWI RAB KI IBADAAT AAP KYA JAANE
PISAR KO DEKH KE HAR BAAR HI KEHTA THA YE RAHEB
DAR E SHABEER KI HAI YE SAQAWAT AAP KYA JAANE
HAMRI AKHO SE NIKLE HUWE ANSOO'N BANE MARHAM
HAI KITNI SHA'HA SE HUM KO MOHABBAT AAP KYA JAANE
DAR E HAIDER PE AAKAR RIQZ PATE ARSH WALE BHI
HAI CHALTI DO JAHA PAR YE HUKUMAAT AAP KYA JAANE
NABI KO CHOD KE TANHA BHAGODE BHAG JATE HAIN
DEKHA TE HAI ALI RAN ME SHUJAAT AAP KYA JAANE
MLAGI THOKAR TO MURDA HO GAYA ZINDA ZAMANE ME
MERE MOULA ALI KI YE FAZEELAT APP KYA JAANE
UKHADA BABE QAIBAR BHI PACHADA AUR MARHAB KO
HAI BAZU ME ALI KE RAB KI TAQAAT AAP KYA JAANE
ALI WALE KUSHI SE JHOOM KAR KAHTE HAI 3NO SE
MILI HAI HUM KO QUM SE YE IMAMAAT AAP KYA JAANE
NAHI HAI KOI HAMSAR HAIDER E KARRAR KA LOGO
QALAAME PAAK ME LIKHI HAI AZMAAT AAP KYA JAANE
JAHA ME BAN GAYA MOULA KA SHAYER AAJ SARKIL BHI
HUWI ZAHERA KI US PE BHI INAYAT AAP KYA JAANE
Sarkil Nagri
9949104080
Abbas hyder nagri
Ali se hamko hai kitni mohabbat AAP Kya jaane..
Khuda hi jaanta hai iski azmat aap Kya jaane
Jagadi Hur ki qismat ek paal me ibne zehra ne..
Bataadi kis ko kehte hai'n Saakhaawat AAP Kya jaane.
Ziyarat karne sheh ki karbala jaate thy sar dekar..
Ali ke chahne waalo ki himmat AAP Kya jaane..
Aza ka farsh zainab ne bichaya ghar me zaalim ke..
Behan ghaazi ki hai yeh iski taaqat AAP Kya jaane..
Chaali aati hai zehra khud hi Hyder sheh ke majlis me..
Ghame shabbeer ke ashkoN ki qeemat aap kya jaane..
Abbas hyder nagri
