Navshad Bijani.
Adab se hashr tak leta rahega naam Aabid ka.
Jaha'n me ho gaya maqrooz ab islaam Aabid ka.
Mubaarak ho wilaadat syyade sajjad ki sab ko.
Labe ehle wila par aaj ho bas naam aabid ka.
Saja kar khuld ko chhera hai hooro'n ne bhi yeh naghma.
Chalo mil kar kare ham tazkera har gaam aabid ka.
Kiya sar maarka karbobala ka sheh ne de ke sar.
Magar zimma tha karna fat'h mulke shaam aabid ka.
Tere sajdo me gham shabbeer ka hardam rahe shaamil.
Jaha'N me aaj bhi baaki hai yeh paygham aabid ka.
Kiya baatil ko rusva har qadam par sabr se apne.
Na kar paaye adu nuskha koi naakaam aabid ka.
Lahad me ba-adab us se malaaik baat karte hain.
likha karte hai jo apne kafan par naam aabid ka.
Kiya hai muntakhab ham ko aza e shaah ki khaatir.
Diya karte hai ab ham kaam yeh anjaam aabid ka.
Agar tu apni bakhshish chaahta hai hashr me *Navshad*
To apni maut se pahele tu daaman thaam aabid ka.
Navshad Bijani.
