Koi sajjad sa dekha na suna hai aabid
Naushad Bijani
Naam hi tera mareezN ki shifa hai aabid.
Zikr hi tera harek gham ki dava hai aabid
Pyaasa jab dar pe tere baap ka qaatil aaya.
Us laeeN ko bhi tune paani diya hai aabid
Mehve sajda hai raha shaame gharibaN shab bhar
Koi sajjad sa dekha na suna hai aabid.
Tere qadmo ka harek zarra hai misle jannat.
Tera har rasta jannat ka pata hai aabid
Jaake kaabe se agar poochho kakega woh bhi.
BilyaqeeN dehr me khaasaa e khuda hai aabid
Tu na hota to woh gumnaam sada reh jaati.
Aam mehnat se teri karbobala hai aabid.
Alkama ghaazi pe qurbaan hai sach hai lekin.
Pyas pe teri to kausar bhi fida hai aabid
Mera kalma hai husain aur mera deeN bhi husain.
Haasil us deen ko tujhse hii baka hai aabid
Pahela tu hi hai azaadare shahe karbobala.
Aur tu majlise sarwar ki bina hai aabid
Kyu na maangu mai bhala apni murade us se
Saari dunya me sakhaavat me bada hai aabid.
Yeh bhi hai tera karam teri ata hai yeh bhi.
Lab pe Naushad ke jo teri sana hai aabid.
Naushad Bijani
+46 704 852 187