Naushad Bijani
Zabaane khushk se, aghyaar se karke wigha ran me.
Kiya asghar ne halmin ki sada ka tarjuma ran me
Hamesha ke liye mar jaata fir deene khuda ran me.
Agar shabbeer ka hota nahi sajda ada ran me.
KahaN hai haq kahaN baatil hai yeh kyu poochhte ho ab.
Usi din kar diya hurre jari ne faysala ran me
Ishaara zere khanjar gar use shabbeer kar dete.
To aati sheh ke qadmo me bhi beh kar alkma ran me
Ijaazat jang ki abbas ko sarwar agar dete.
To us din ho gai hoti qayaamat ba-khuda ran me
Mera saani hai maqtal me yeh sooraj sochta hoga.
Shahe waala ne jisdam Jaun ko bakhshi ziya ran me
72 ban gaye is tarh faanoos e chiraagh e haq.
Bujha paai use hargiz na baatil ki hawa ran me
Dua karta hu mai allah se Naushad yeh hardam.
Bulakar karbala mujhko waha dena kaza ran me.
Naushad Bijani
+46 704 852 187