1. Syed Amir Hussain Abdi (Amir Gondavi)
Door Duniya Se Zor-o-Sitam Chahiye,
Chat Pe Kaabe Ki Ab Ik Alam Chahiye...
Turbate Fatema Pe Ho Saaya Koi
Ya iLaahi Tera Ye Karam Chahiye...
Bheja Zohra Ko Allah Ne Keh Ke Ye,
Tootna Kafiro Ka Bharam Chahiye...
Mard-e-Maidaa'n Hai Jo Khud Ko Sabit Kare,
Jisko Dast-e-Nabi Se Alam Chahiye...
Kaam Aate Nahi Sirf Sajde Wahaa'n
Aankhe Shabbeer Ke Gham Me Nam Chahiye...
Mil Gayi Mujhko Qismat Se Karbobala,
Ab Bhala Kisliye Phir Iram Chahiye...
Har Namaazo Me Meri Dua Hai Yehi,
Misle Sajjad Sarwar Ka Gham Ka Chahiye...
Airo Ghairo Ki Taqleed Karte Nahin,
Qaum Ko Marjiyat Mohtaram Chahiye...
Sirf Baato Se Tableegh Hoti Nahi,
Asl Kirdaar Me Hona Dum Chahiye...
Ishq-e-Aal-e-Nabi Dil Me Bas Jaye Jab,
Sajde Me Tab Jabeeñ Honi Kham Chahiye...
Madh-e-Aal-e-Aba Jisse 'Amir' Likhe,
Sadqa-e-Mujtaba Wo Qalam Chahiye...
Syed Amir Hussain Abdi (Amir Gondavi)
2. Navshad Bijani
Gar tumhe faatema ka karam chaahiye.
Aankhe gham me sahedee'n ke nam chaahiye.
Seerate sheh pe chalne ki tafeeq or.
Misle sajjad sarwar ka gham chaahiye.
Kar de zaalim ke ghar me bapa sheh ka gham.
Har azaadaar me aysa dam chaahiye.
Todne ke liye har arab ka guroor.
Misle salmaan bas ek ajam chaahiye.
Binte Ahmad ke dar par hai aana jise...
Uska sar misl Ahmad ke kham chaahiye.
Thi dua mustafa ki ke zere kisaa.
Ya khuda sirf ehle haram chaahiye.
Yeh muzammil pe allaah ne ki wahi....
Kar tu aaraam ab sajde kam chaahiye.
Cheene gauhar to kha kar tamaache kaha
Aur kya tumko ehle sitam chaahiye.
Binte haidar de roomaale zehra tujhe.
Ab tume hur kaho kya karam chaahiye.
Yeh bikega na sikko ke badle kabhi.
Dil me ishqe ali az adam chaahiye
Kheech kar bole sajjad ko ashkiya.
Tere payro me hardam varam chaahiye.
Ha'n tavaafe zachaakhaan e murtaza.
Haj me laazim khuda ki kasam chaahiye.
Sher aale nabi ki sana me likhu.
Aysa
Navshad mujhko qalam chaahiye.
2. Navshad Bijani
3. Mir Bober Ali
Mujko Jannat Na Baaghe Iram Chahiye
Sirf Shabbeer Tera hi Gham Chahiye
Mushkilen Door Hojayengi Aapki
Lab Pe Naade Ali Dambadam Chahiye
Muflesee Choo Na Paayegi Ghar ko Kabhi
Chat Pe Abbas ka hi Alam Chahiye
Maa ki Ismat Bataane Ke hi Waaste
Lab Pe Zikre Ali Har Qadam Chahiye
Zindagi me Hamesha Qushi ke Liye
Zikre Shabbeer me Aankh Nam Chahiye
Zindagi me mere Aaqri Saans Tak
Misle Sajjad Sarwar ka Gham Chahiye
Madhe Hydar Mai Har Waqt Karta Rahun
Aapka Mujpe Zahra Karam Chahiye
Dil me Hasrat Bober Ke Zamaane Se Hai
Usko Deedaar e Shaahe Umam Chahiye
Mir Bober Ali
Bober Nawab Madrasi
4. Ashiq Muntazir
Mujhko Malik Tera ye Karam Chahiye.
Roye Sarwar pa wo Chashm e Nam Chahiye.
Mohsin e Meer e Khilqat ki Mehfil ko Bas.
Kam se Kam Sehan e Baitul Haram Chahiye.
Madh e Imraan Padhne ki khatir Yaha'n.
Lehja e Mustafaa Kam se Kam Chahiye.
Naat Likhni hai Ahmed ki Mere Khuda.
Nakhl e Tubaa ka Mujhko Qalam Chahiye.
Ghair e Farrar ko kal milega ALam.
Huq Ko Jarrar Ik Mohtaram Chahiye.
Ud gaya rangg Zalim ke Chehre ka tab.
Mustafa ne Kaha Jab Qalam Chahiye.
Manga Asghar ko Sarwar ne Kehte Hue.
Dee'n ko Faani e Ehal e Sitam Chahiye.
Koi Karna ho Gar Zer Akhlaaq se.
Misl e Talwaar Lafzo mein Kham Chahiye.
Dhaal De khud ko Meeasam ke Kirdaar Mein.
Gar Musalman Bagh e Iram Chahiye.
Dasht mein Hur ki Qismat ne Badh ke kaha.
Ab Faqat Qurb e Shaah e Umam Chahiye.
Piyaas ko Alqama na Hara payegi.
Iss se Ladne ko Gatto'n men Dum Chahiye.
Aashiq Muntazir
