Naushad Bijani

Qareebe shaah mujhe qabr ki jaga de de.
Bhare jahaN se fakat mujh ko karbala de de

Husaini usne banaaya hai mujhko bachpan se.
Evaz me uske meri maa ko tu jaza de de

Kaha malak ne yeh miskin banke yasrab me.
Mujhe bhi dar se tere roti faatema de de

Shuaa'eN jaun ki dekhi to chand ne yeh kaha.
Ke aysa noor mujhe bhi shahe hoda de de

Kaha yeh ghaazi ne kar dunga khatm lashkar ko.
Husain mujh ko fakat jang ki raza de de.

Husain jaysa muhaafiz nahi hai deeN ka koi.
Baraaye deen ko besheer ka gala de de

Tere naseeb me rahib pisar na tha hargiz.
Magar yeh naana se shabbeer ne kaha de de

Kaha yeh deene mohammad ne sar khula hai mera.
Ay binte shere khuda ab mujhe rida de de

Vaseela ban sake jo ittehaad ka ya rab.
Tu aysa qaum ko saalaare kafela de de

Kahan hai khuld yeh Navshad poochhe tujh se koi
To karbala ka use bilyaqeeN pata de de

Naushad Bijani
2019-11-08
+46 704 852 187